ધર્મેન્દ્ર સાથે લગ્નજીવનનાં ૪૪ વર્ષના સથવારાને સેલિબ્રેટ કર્યો ડ્રીમગર્લે
હેમા માલિની અને ધર્મેન્દ્ર
હેમા માલિની અને ધર્મેન્દ્રની ગઈ કાલે ૪૪મી મૅરેજ-ઍનિવર્સરી હતી. તેમને ઈશા દેઓલ અને આહના દેઓલ નામની બે દીકરીઓ છે. હેમા માલિની અને ધર્મેન્દ્રની પહેલી મુલાકાત ૧૯૭૦માં ‘તુમ હસીન મૈં જવાન’ના સેટ પર થઈ હતી અને ત્યારથી જ તેઓ પ્રેમમાં પડ્યાં હતાં. તેમણે લગભગ ૨૮ ફિલ્મોમાં સાથે કામ કર્યું હતું. હેમા માલિની અને ધર્મેન્દ્રના યાદગાર ફોટોનું એક વિડિયો-કૉલાજ તેમના ફૅને બનાવ્યું છે. એ વિડિયો-કૉલાજને ઇન્સ્ટાગ્રામ પર શૅર કરીને હેમા માલિનીએ કૅપ્શન આપી હતી, ‘અમારી વેડિંગ-ઍનિવર્સરી છે. ૪૪ વર્ષનો અમારો આ સથવારો છે. બે સુંદર દીકરીઓ છે. અમારી આસપાસ પ્રેમાળ ગ્રૅન્ડ-ચિલ્ડ્રન છે. તેમના પ્રેમમાં અમે ગળાડૂબ છીએ. અમારા ફૅન્સ અને તેમની અસંખ્ય પ્રશંસાઓ મળે છે. આનાથી વધુ લાઇફમાં બીજું શું જોઈએ? ખુશીઓની આ જે ભેટ મળી છે એને માટે હું ભગવાનનો આભાર માનું છું. આ વિડિયો એક ફૅને બનાવ્યો છે.’