આખા ખર્ચનો હિસાબ ગણાવતાં ભૂમિએ કહ્યું કે ‘સ્ટાઇલિંગ ખૂબ અગત્યનું છે અને એ અતિશય મોંઘું પણ છે.
ભૂમિ પેડનેકર
ભૂમિ પેડણેકરને લાગે છે કે એક ઇવેન્ટમાં હાજરી આપવી હોય તો અંદાજે ૮૦ હજાર રૂપિયાનો ખર્ચ થાય છે. તેનું કહેવું છે કે સ્ટાઇલિંગ ખૂબ મોંઘું પડે છે. આખા ખર્ચનો હિસાબ ગણાવતાં ભૂમિએ કહ્યું કે ‘સ્ટાઇલિંગ ખૂબ અગત્યનું છે અને એ અતિશય મોંઘું પણ છે. એ આખા ખર્ચ પર નજર નાખીએ તો ૧૫થી ૨૦ હજાર રૂપિયા સ્ટાઇલિંગનો, કારનું ભાડું ૧૫થી ૨૦ હજાર રૂપિયા, હેર અને મેકઅપ ૨૦ હજાર રૂપિયા. રેગ્યુલર હાજરી આપતી વ્યક્તિ માટે તો આ ખર્ચ ૭૫થી ૮૦ હજાર રૂપિયા સુધી પહોંચી જાય છે. હું મારી મમ્મી પાસે દોડીને કેમ કહી શકું કે તું આ કર કે પછી તું પેલું કરી આપ? એ વખતે પણ હું નાસભાગ કરતી હતી અને આજે પણ અલગ-અલગ વસ્તુઓ માટે નાસભાગ કરું છું. મને એ વાતની ચિંતા નથી કે મારી કાર ચાર વર્ષ જૂની છે. કદાચ હું હજી એનો થોડાં વર્ષો સુધી ઉપયોગ કરીશ. આટલાં વર્ષમાં હું એક ઍક્ટર તરીકે પોતાની જાતને ઓળખી ગઈ છું. મને મારું કામ પસંદ છે. એને હું એન્જૉય કરું છું.’