જસપ્રીતના પિતાનું દસ દિવસ પહેલાં બ્રેઇનના ટીબીને કારણે અવસાન થયું છે.
અર્જુન કપૂરની તસવીર
નવી દિલ્હીમાં દસ વર્ષનો જસપ્રીત રસ્તા પર રોલ્સ વેચવાનું કામ કરે છે. તેનો વિડિયો વાઇરલ થતાં અર્જુન કપૂરે તેને અને તેની બહેનને ભણાવવાની જવાબદારી લેવાની તૈયારી દેખાડી છે. જસપ્રીતની મમ્મી પંજાબ રહેવા ચાલી ગઈ છે. જસપ્રીતના પિતાનું દસ દિવસ પહેલાં બ્રેઇનના ટીબીને કારણે અવસાન થયું છે. આનંદ મહિન્દ્ર બાદ હવે અર્જુન તેમની મદદ માટે આગળ આવ્યો છે. ઇન્સ્ટાસ્ટોરી પર જસપ્રીતનો ફોટો શૅર કરીને અર્જુન કપૂરે કૅપ્શન આપી, ‘ચહેરા પર સ્માઇલ કરીને તે લાઇફની તકલીફનો સામનો કરી રહ્યો છે. આ દસ વર્ષના બાળકને સલામ છે કે તેણે નાની વયમાં પોતાના પગ પર ઊભા રહેવાની હિંમત દેખાડી અને પિતાના અવસાનના દસ દિવસ બાદ જ તેમનો વ્યવસાય સંભાળી લીધો. હું તેને અને તેની બહેનને શિક્ષણ માટે મદદ કરવા માગું છું. જો કોઈને જાણ હોય કે તેઓ ક્યાં રહે છે તો મને જણાવજો.’