વાઇરલ થયેલી તસવીર પ્રમાણે કંપની પોતાના તામિલ કર્મચારીઓને ખર્ચ માટે ૩૦ સિંગાપોર ડૉલર પણ આપશે
ફિલ્મ ‘કૂલી’
રજનીકાન્તની આગામી ફિલ્મ ‘કૂલી’ આવતી કાલે રિલીઝ થઈ રહી છે ત્યારે સોશ્યલ મીડિયા પર એક તસવીર વાઇરલ થઈ રહી છે. આ તસવીરમાં દાવો કરવામાં આવી રહ્યો છે કે સિંગાપોરની એક ફર્મે ફિલ્મ ‘કૂલી’ જોવા માટે પોતાના કર્મચારીઓને પેઇડ હૉલિડે આપવાની જાહેરાત કરી છે. આ ફર્મે જાહેર કર્યું છે કે એ પોતાના તામિલ કર્મચારીઓને ફિલ્મનો ફર્સ્ટ શો જોવા માટે ટિકિટ આપશે તેમ જ તેમને ખાવા-પીવા માટે ૩૦ સિંગાપોર ડૉલર પણ આપવામાં આવશે.
સોશ્યલ મીડિયા પ્લૅટફૉર્મ પર આ તસવીર ખૂબ વાઇરલ થઈ રહી છે. રિપોર્ટ પ્રમાણે આ ફિલ્મ સૌથી વધુ દેશોમાં રિલીઝ થનારી તામિલ ફિલ્મ છે. ‘કૂલી’ રજનીકાન્તની ૧૭૧મી ફિલ્મ છે અને એની વાર્તા સોનાની દાણચોરીની આસપાસ આકાર લે છે.
ADVERTISEMENT
બધા ખાનમાં આમિર ખાન સ્પેશ્યલ : રજનીકાન્ત
લોકેશ કનગરાજની રજનીકાન્ત સ્ટારર ફિલ્મ ‘કૂલી’ આવતી કાલે રિલીઝ થવા માટે તૈયાર છે. હાલમાં આ ફિલ્મની એક પ્રી-રિલીઝ ઇવેન્ટનો વિડિયો વાઇરલ થયો છે જેમાં રજનીકાન્તે ફિલ્મમાં કૅમિયો કરનાર આમિર ખાનનાં ભરપૂર વખાણ કરતાં કહ્યું કે ‘સલમાન ખાન અને શાહરુખ ખાન છે, પણ આ બધામાં આમિર ખાન સ્પેશ્યલ છે. તે લેજન્ડ છે.’ આ ઇવેન્ટમાં આમિરે પણ રજનીકાન્તની પ્રશંસા કરીને કહ્યું કે ‘આ ફિલ્મનો ભાગ બનવાની તક મળી એ મારા માટે સન્માનની વાત છે. જ્યારે મને ખબર પડી કે ‘કૂલી’ રજનીસરની ફિલ્મ છે ત્યારે મેં વાર્તા કે બીજું કંઈ સાંભળ્યા વિના ફિલ્મ માટે હા કહી. આ તેમના પ્રત્યેનો મારો પ્રેમ છે.’
