ભૂતપૂર્વ ભારતીય કૅપ્ટન ગાંગુલીએ ઑક્ટોબરમાં બીસીસીઆઇના પ્રમુખપદેથી રાજીનામું આપ્યું હતું.
કલકત્તામાં ગઈ કાલે પદ્મશ્રી પુરસ્કાર-વિજેતા સિંગર ઉષા ઉત્થુપ સાથે સૌરવ ગાંગુલી. આ સમારંભમાં ઉષા ઉત્થુપના ‘આફ્રિકા આફ્રિકા’ સૉન્ગનો મ્યુઝિક-વિડિયો લૉન્ચ થયો હતો. તસવીર પી.ટી.આઇ.
બોર્ડ ઑફ કન્ટ્રોલ ફૉર ક્રિકેટ ઇન ઇન્ડિયા (બીસીસીઆઇ)ના ભૂતપૂર્વ પ્રમુખ સૌરવ ગાંગુલી આઇપીએલમાં કમબૅક કરી રહ્યા છે. વિશ્વની આ સૌથી લોકપ્રિય ક્રિકેટ લીગમાં ખેલાડી તરીકેની કરીઅર બાદ તેઓ દિલ્હી કૅપિટલ્સના મેન્ટર હતા અને હવે તેમણે જીએમઆર તથા જેએસડબ્લ્યુ ગ્રુપની માલિકીના આ ફ્રૅન્ચાઇઝીમાં ડિરેક્ટર ઑફ ક્રિકેટનો હોદ્દો સ્વીકાર્યો છે.
ભૂતપૂર્વ ભારતીય કૅપ્ટન ગાંગુલીએ ઑક્ટોબરમાં બીસીસીઆઇના પ્રમુખપદેથી રાજીનામું આપ્યું હતું. તેઓ દિલ્હી કૅપિટલ્સ ઉપરાંત દુબઈમાં આઇએલટી૨૦ ટુર્નામેન્ટમાં દુબઈ કૅપિટલ્સ તેમ જ સાઉથ આફ્રિકાની લીગમાં પ્રિટોરિયા કૅપિટલ્સને લગતી જવાબદારી પણ સંભાળશે.
ADVERTISEMENT
અહીં ઉલ્લેખનીય છે કે ગૌતમ ગંભીર લખનઉ સુપર જાયન્ટ્સ ઉપરાંત ડર્બન સુપર જાયન્ટ્સને લગતી તથા માહેલા જયવર્દને મુંબઈ ઇન્ડિયન્સ ઉપરાંત એમઆઇ એમિરેટ્સ અને એમઆઇ કેપ ટાઉનને લગતી જવાબદારી પણ સંભાળવાના છે.
જીવનમાં ક્યારેક વિપરીત બનતું હોય છે, પણ એ ભૂલીને અને એ સ્થિતિમાંથી બહાર આવીને આગળ વધવું પડતું હોય છે. આશા રાખું છું કે રિષભ પંત જલદી સાજો થઈ જાય અને પાછો અગાઉની જેમ રમતો થઈ જાય. : - સૌરવ ગાંગુલી
