ઇ-પેપર

વેબસ્ટોરીઝ

વેબસ્ટોરીઝ

shot-button

હોમ > સ્પોર્ટ્સ સમાચાર > ક્રિકેટ > આર્ટિકલ્સ > ડબ્લ્યુપીએલ મહિલા ક્રિકેટ જગતમાં મોટું પરિવર્તન લાવશે

ડબ્લ્યુપીએલ મહિલા ક્રિકેટ જગતમાં મોટું પરિવર્તન લાવશે

13 February, 2023 02:09 PM IST | Mumbai
Gujarati Mid-day Correspondent | feedbackgmd@mid-day.com

હરાજી પહેલાં રોહિત શર્મા અને રવિચંદ્રન અશ્વિને ખેલાડીઓ તથા ટીમના માલિકોને પાઠવી શુભેચ્છા

રોહિત શર્મા અને રવિચન્દ્રન અશ્વિન Women`s IPL Auction

રોહિત શર્મા અને રવિચન્દ્રન અશ્વિન

ભારતીય ટીમના કૅપ્ટન રોહિત શર્મા અને બોલિંગ ઑલરાઉન્ડર રવિચન્દ્રન અશ્વિને આજે મુંબઈમા યોજાનારી વિમેન્સ પ્રીમિયર લીગની હરાજી પહેલાં મહિલા ખેલાડીઓ અને ટીમના માલિકોને શુભેચ્છા પાઠવી હતી. કુલ ૧૫૨૫ ખેલાડીઓએ હરાજી માટે અરજી કરી હતી, જે પૈકી ૪૦૯ ખેલાડીઓને શૉર્ટલિસ્ટ કરવામાં આવી હતી. પાંચ ટીમ મળીને ૯૦ ખેલાડીઓને પસંદ કરશે, જેમાં ૩૦ વિદેશી ખેલાડીઓ હશે. ૨૪ ખેલાડીઓ માટે ૫૦ લાખ રૂપિયા રિઝર્વ પ્રાઇસ રાખી છે, જેમાં ૧૩ વિદેશી ખેલાડીઓ છે. રોહિત અને અશ્વિને કહ્યું કે ડબ્લ્યુપીએલ મહિલા ક્રિકેટમાં મોટું પરિવર્તન લાવશે. 

રોહિતે એક વિડિયોમાં કહ્યું કે ‘ભારતીય ક્રિકેટમાં એક ઐતિહાસિક પળ છે. થોડા દિવસોમાં વિમેન્સ પ્રીમિયર લીગ શરૂ થશે. તમામ ટીમને અને ખેલાડીઓને શુભેચ્છા પાઠવું છું.’ 


અશ્વિને પોતાના સંદેશમાં કહ્યું કે ‘મહિલાઓ માટે પણ ઉચ્ચ સ્તરે પોતાની પ્રતિભા બતાવવાની તક છે. મહિલા ટીમ પણ બહુ સારું પ્રદર્શન કરી રહી છે.’


ફ્રી જોઈ શકાશે લાઇવ સ્ટ્રીમિંગ

વિમેન્સ પ્રીમિયર લીગ (ડબ્લ્યુપીએલ)ની પહેલી સીઝન માટે ખેલાડીઓની હરાજી આજે થવાની છે અને એના બ્રૉડકાસ્ટિંગ રાઇટ્સ વાયકૉમ૧૮ પાસે છે એથી સ્પોર્ટ્સ૧૮ નેટવર્કની ચૅનલ સ્પોર્ટ્સ૧૮-૧ એસડી અને સ્પોર્ટ્સ૧૮-૧એચડી પર લાઇવ જોઈ શકાશે. ભારતમાં લાઇવ સ્ટ્રીમિંગ જિયો સિનેમા ઍપ પર જોઈ શકાશે. જિયો સિનેમા ઍપ પર ફ્રીમાં લાઇવ સ્ટ્રીમિંગ થશે, જેને મોબાઇલ, લૅપટૉપ કે ટૅબ પર લૉગિંગ કરીને હરાજી જોઈ શકાશે.


13 February, 2023 02:09 PM IST | Mumbai | Gujarati Mid-day Correspondent

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK