T2૦માં ત્રણ મેઇડન ઓવર નાખનારી પહેલી ભારતીય પ્લેયર બની દીપ્તિ શર્મા
દીપ્તિ શર્મા
ભારત અને સાઉથ આફ્રિકાની મહિલા ટીમ વચ્ચે પાંચ ટી૨૦ મૅચોની પહેલી મૅચ સુરત ખાતે રમાઈ હતી જેમાં ભારતે ૧૧ રનથી જીત મેળવીને ૧-૦થી લીડ બનાવી લીધી હતી. આ મૅચમાં ભારતીય બૉલર દીપ્તિ શર્માએ એક અનોખો રેકૉર્ડ પોતાને નામ કર્યો હતો. દીપ્તિએ મૅચમાં કુલ ચાર ઓવર નાખી હતી જેમાં ત્રણ ઓવર મેઇડન રહી હતી અને આ જ તેણે બનાવેલો રેકૉર્ડ છે. દીપ્તિ એક ટી૨૦ મૅચમાં ત્રણ મેઇડન ઓવર નાખનાર પહેલી ભારતીય પ્લેયર બની ગઈ છે. તેણે ચાર ઓવરમાં કુલ આઠ રન આપી ત્રણ વિકેટ લીધી હતી. ભારતે આ મૅચમાં સાઉથ આફ્રિકાને જીતવા માટે ૧૩૧ રનનો ટાર્ગેટ આપ્યો હતો જેની સામે મહેમાન ટીમ ૧૯.૫ ઓવરમાં ૧૧૯ રન કરીને ઑલ આઉટ થઈ ગઈ હતી.