સ્ટ્રૉબેરીને મીઠાના પાણીમાં નાખી તો નીકળ્યા અધધધ કીડા
સ્ટ્રોબેરીમાંથી નીકળ્યા અઢળક કીડા
જો તમને સ્ટ્રૉબેરી ભાવે છે તો આ સમાચાર વાંચીને નક્કી એના પ્રત્યે અભાવ થઈ જશે. ટિકટૉક પર આમ તો દિમાગ વિનાની કૉમેડીઓ થયા કરતી હોય છે, પરંતુ એક છોકરીએ સ્ટ્રૉબેરીમાં કેટલો સડો હોય છે એ વિડિયોમાં બતાવ્યું છે. તેણે સ્ટ્રૉબેરીને મીઠાના પાણીમાં નાખી તો ફળમાંથી ધીમે-ધીમે સળવળતા કીડા નીકળતા જોવા મળ્યા.
કહેવાય છે કે સ્ટ્રૉબેરીને બજારમાંથી લાવીને તરત જ ન ખાવી જોઈએ. ઓછામાં ઓછા અડધો કલાક માટે એને મીઠાના પાણીમાં બોળી રાખવી જોઈએ. વાઇરલ થયેલા ટિકટૉક વિડિયોમાં 30 મિનિટ મીઠાના પાણીમાં બોળી રાખ્યા પછી સ્ટ્રૉબેરીમાંથી કીડા નીકળતા જોવા મળ્યા હતા.
આ વિડિયોને અત્યાર સુધીમાં 25 લાખ વ્યુઝ મળ્યા છે. ટિકટૉક યુઝરે થોડા આગળ વધીને સ્ટ્રૉબેરીને માઇક્રોસ્કોપની નીચે મૂકી તો એમાં ફળની સપાટી પર નાના કીડા જોવા મળ્યા હતા.