ચીનના લૉન્ગજિન્ગ શહેરમાં પિયાન પર્વતમાળા વચ્ચે એક રિસૉર્ટ બન્યું છે જ્યાં ૩૩૦ ફુટ ઊંચો કાચની પૅનલવાળો પુલ બનાવવામાં આવ્યો છે. થોડા દિવસ પહેલાં આ વિસ્તારમાં કલાકે ૯૦ માઇલની ઝડપે પવન ફૂંકાયો હતો જેને કારણે પુલની કેટલીક કાચની પૅનલ તૂટીને નીચે પડી હતી
કાચનો બ્રિજ
આધુનિક જગતમાં ટેક્નૉલૉજી અને વિકાસ જેમ લોકો માટે સુવિધાની સાથે નવીનતા પણ લાવે છે, પરંતુ ક્યારેક અગવડ અને જોખમ પણ ઊભાં કરે છે. દરેક બાબતમાં લાભની સાથે ગેરલાભ પણ હોય જ. ચીનના લૉન્ગજિન્ગ શહેરમાં પિયાન પર્વતમાળા વચ્ચે એક રિસૉર્ટ બન્યું છે જ્યાં ૩૩૦ ફુટ ઊંચો કાચની પૅનલવાળો પુલ બનાવવામાં આવ્યો છે. થોડા દિવસ પહેલાં આ વિસ્તારમાં કલાકે ૯૦ માઇલની ઝડપે પવન ફૂંકાયો હતો જેને કારણે પુલની કેટલીક કાચની પૅનલ તૂટીને નીચે પડી હતી. નસીબજોગ પુલ પર કોઈ પર્યટક કે મજૂર નહોતા. માત્ર એક માણસ પુલ પર હતો જેણે નીચેથી કાચનો હિસ્સો તૂટી પડતાં પોતે રેલિંગ પકડી લીધી હતી અને નીચે ખાઈમાં પડતાં બચી ગયો હતો. થોડી વારમાં જ બંબાખાતાના જવાનો, પોલીસ તથા જંગલ ખાતાના કર્મચારીઓએ આવીને તેને બચાવી લીધો હતો.
થોડો સમય આ પુલ બંધ રાખવામાં આવ્યો હતો. ચીનમાં ઘણી પર્વતમાળાઓમાં ટૂરિસ્ટોને આકર્ષવા આવા કાચના પુલ બનાવવામાં
આવ્યા છે.