મુંબઈ ઍરપોર્ટ પર આ પાણીપૂરીપ્રેમીને જોરદાર ઝાટકો લાગ્યો
પાણીપુરીની તસવીર
પાણીપૂરીના શોખીનો કોઈ પણ જગ્યાએ તેમનું કમ્ફર્ટ ફૂડ શોધી જ લે છે, પણ ક્યારેક એના ભાવ તેમને બિલકુલ પચે નહીં એવું પણ થઈ શકે છે. છત્રપતિ શિવાજી મહારાજ ઇન્ટરનૅશનલ ઍરપોર્ટ પર એક ઑન્ટ્રપ્રનર ભાઈને પાણીપૂરીનો સ્વાદ એટલો મોંઘો પડ્યો હતો કે તેમને આ વાત શૅર કરવા સોશ્યલ મીડિયા પર આવવું પડ્યું હતું. શુગર કૉસ્મેટિક્સના કો-ફાઉન્ડર કૌશિક મુખરજીએ લખ્યું કે મુંબઈ ઍરપોર્ટ પર ફૂડ-સ્ટૉલ માટે રિયલ એસ્ટેટ મોંઘું છે, પણ આટલું મોંઘું હશે એની મને ખબર નહોતી. તેમણે શૅર કરેલા ફોટોમાં ૮ પીસ સાથેની પાણીપૂરી, દહીંપૂરી અને સેવપૂરીના એક પ્લેટના ભાવ ૩૩૩ રૂપિયા લખ્યા હતા. આ ભાવ સાંભળીને ઘણા પાણીપૂરી-લવર્સને આંચકો લાગ્યો છે.
