સોશ્યલ મીડિયા પર વ્યક્તિ માહીના નામે સ્કૅમ કરવા ગઈ અને હાંસીપાત્ર બનીગઈ
લાઇફ મસાલા
મહેન્દ્ર સિંહ ધોની
તમારી આસપાસ ઘણા મિત્રો કે સગાંઓએ એવું કહ્યું હશે કે સોશ્યલ મીડિયા પર મારા નામે કોઈ પૈસા માગે તો ન આપવા, આ એક ફ્રૉડ છે. જોકે આ ફ્રૉડ હવે કૅપ્ટન કૂલ એટલે કે મહેન્દ્ર સિંહ ધોનીના નામે થઈ રહ્યો છે. માહીને તો આ વિશે કોઈ ચોખવટ કરવાની જરૂર નહીં પડે, પણ તેના નામે ફરી રહેલો મેસેજ સોશ્યલ મીડિયા પર વાઇરલ થઈ રહ્યો છે અને લોકો માટે આ રમૂજનો વિષય બની ગયો છે. એક સ્કૅમરે ધોનીના સેલ્ફી સાથે યુઝરને એવો મેસેજ કર્યો હતો કે ‘હું એમ. એસ. ધોની છું અને તમને પ્રાઇવેટ અકાઉન્ટમાંથી મેસેજ કરી રહ્યો છું. હું રાંચીની સરહદે છું અને પોતાનું વૉલેટ ભૂલી ગયો છું. તમે મને ૬૦૦ રૂપિયા ફોનપે કરી શકશો? જેથી હું બસમાં ઘરે પહોંચી શકું. હું ઘરે જઈને તમને પૈસા પાછા આપી દઈશ.’ આ ફોટો વાઇરલ થતાં જ એક વ્યક્તિએ કમેન્ટ કરી કે આ સાચું લાગે છે, QR ક્યાં છે? તો કોઈકે લખ્યું કે આ નવોસવો સ્કૅમર બન્યો લાગે છે જે ભારતીય ક્રિકેટટીમના ભૂતપૂર્વ કૅપ્ટનની ઓળખનો ઉપયોગ કરે છે.