ICC T20 World Cup: ટી૨૦ વર્લ્ડ કપ દરમિયાન આતંકવાદી હુમલાની ધમકી ઉત્તર પાકિસ્તાન તરફથી મળી હોવાના અહેવાલ
પ્રતીકાત્મક તસવીર
આઇપીએલ ૨૦૨૪ (IPL 2024) ની સિઝન બાદ આઇસીસી ટી૨૦ વર્લ્ડ કપ (ICC T20 World Cup) નું આયોજન અમેરિકા (United States Of America) અને વેસ્ટ ઈન્ડિઝ (West Indies) માં થવાનું છે. ત્યારે એક ચોંકાવનારા સમાચાર આવ્યા છે, વેસ્ટ ઈન્ડિઝને ટૂર્નામેન્ટ દરમિયાન આતંકી હુમલા (Terror Atatck On ICC T20 World Cup) ની ધમકી મળી છે. આતંકવાદી હુમલાની ધમકી બાદ વેસ્ટ ઈન્ડિઝમાં સુરક્ષા વધારી દેવામાં આવી છે અને ક્રિકેટ વેસ્ટ ઈન્ડિઝ (Cricket West Indies - CWI) એ પણ સુરક્ષાને લઈને ખાતરી આપી છે.
ટી૨૦ વર્લ્ડ કપ (ICC T20 World Cup) શરૂ થવામાં એક મહિનાથી પણ ઓછો સમય બાકી છે અને આતંકવાદી હુમલાના સમાચારને કારણે ICC ટૂર્નામેન્ટ ખોરવાઈ ગઈ છે. મીડિયા રિપોર્ટ્સ અનુસાર, T20 વર્લ્ડ કપ પહેલા આતંકી હુમલાનો ખતરો છે. જે બાદ યજમાન દેશોની એજન્સીઓ એલર્ટ મોડ પર પહોંચી ગઈ છે અને જરૂરી પગલાં લેવામાં આવી રહ્યા છે.
ADVERTISEMENT
CWIના સીઈઓ જોની ગ્રેવ્સે દરેકને ખાતરી આપી હતી કે, કોઈપણ ઓળખાયેલા જોખમોનો સામનો કરવા માટે એક `વ્યાપક અને મજબૂત સુરક્ષા યોજના` છે. તેમણે કહ્યું કે, અમે યજમાન દેશો અને શહેરોમાં સત્તાધિકારીઓ સાથે નજીકથી કામ કરીએ છીએ, અને અમારી ઇવેન્ટ માટે ઓળખાયેલા કોઈપણ જોખમોને ઘટાડવા માટે યોગ્ય યોજનાઓ છે તેની ખાતરી કરવા માટે વૈશ્વિક લેન્ડસ્કેપનું સતત નિરીક્ષણ અને મૂલ્યાંકન કરીએ છીએ.
અહેવાલો અનુસાર, પ્રો-ઇસ્લામિક સ્ટેટ (IS) મીડિયા સ્ત્રોતોએ રમતગમતની ઘટનાઓ સામે હિંસા ભડકાવવાની ઝુંબેશ શરૂ કરી છે, જેમાં IS ખોરાસન (IS-K) ની અફઘાનિસ્તાન-પાકિસ્તાન શાખાના વિડિયો સંદેશાઓનો સમાવેશ થાય છે, જેના કારણે ઘણા દેશોમાં હુમલાઓ થયા છે. તે હાઇલાઇટ કરવામાં આવ્યું છે અને સમર્થકોને યુદ્ધના મેદાનમાં જોડાવા વિનંતી કરવામાં આવી છે.
જોની ગ્રેવસે કહ્યું, અમે તમામ હિતધારકોને આશ્વાસન આપવા માંગીએ છીએ કે ICC મેન્સ T20 વર્લ્ડ કપમાં દરેકની સુરક્ષા અમારી પ્રથમ પ્રાથમિકતા છે અને અમારી પાસે એક વ્યાપક અને મજબૂત સુરક્ષા યોજના છે.
તમને જણાવી દઈએ કે, વેસ્ટ ઈન્ડિઝ અને અમેરિકા ૨ થી ૨૯ જૂન દરમિયાન યોજાનાર T20 વર્લ્ડ કપના સહ યજમાન છે. હવે જોવાનું એ રહે છે કે આ સમસ્યાનો સામનો કરવા માટે મેનેજમેન્ટ શું પગલાં ભરે છે.
નોંધનીય છે કે, જૂનથી વેસ્ટ ઈન્ડિઝમાં ટી-20 વર્લ્ડ કપની મેચો ઘણી જગ્યાએ રમવાની છે. બાર્બાડોસ, ગયાના, એન્ટિગુઆ અને બાર્બુડા, સેન્ટ વિન્સેન્ટ, સેન્ટ લુસિયા, ગ્રેનેડાઈન્સ, ત્રિનિદાદ અને ટોબેગો આ વૈશ્વિક ટુર્નામેન્ટની મેચોની યજમાની કરવાના છે.