માલીની સ્ટેટ પાવર કંપની કરોડો ડૉલરના દેવા હેઠળ દબાઈ જતાં છેલ્લા એક વર્ષથી લોકો વીજકાપનો સામનો કરી રહ્યા છે.
પ્રતીકાત્મક તસવીર
આફ્રિકન દેશ માલી ૪૮ ડિગ્રી તાપમાનમાં શેકાઈ રહ્યો છે અને અહીં હાલત એવી છે કે દૂધ અને બ્રેડ કરતાં બરફ મોંઘો થઈ ગયો છે. માલીના કેટલાક વિસ્તારમાં હીટવેવના પ્રકોપ વચ્ચે લાંબા સમય સુધી વીજળી ડૂલ રહે છે. લોકો ફ્રિજ બંધ થઈ જવાને કારણે ખોરાક સ્ટોર કરવા અને ઠંડક માટે મોટા પાયે આઇસક્યુબ ખરીદી રહ્યા છે. લોકો બ્રેડ માટે ૨૫૦ CFA (આફ્રિકન કરન્સી) ચૂકવી રહ્યા છે અને બરફ માટે ૩૦૦થી ૫૦૦ CFA ચૂકવી રહ્યા છે. માલીની સ્ટેટ પાવર કંપની કરોડો ડૉલરના દેવા હેઠળ દબાઈ જતાં છેલ્લા એક વર્ષથી લોકો વીજકાપનો સામનો કરી રહ્યા છે. કેટલાક વિસ્તારોમાં સ્કૂલો બંધ થઈ ગઈ છે અને લોકો હૉસ્પિટલમાં દાખલ થઈ રહ્યા છે.
