તલાસરી તાલુકાના કોચાઈ ગામના ઈશ્વર વળવીએ ૪ એકર ઉજ્જડ જમીન પર વિવિધ પ્રકારની કેરીઓ ઉગાડી હતી
તસવીર સૌજન્યઃ સોશ્યલ મીડિયા
દાદરા અને નગર હવેલીના કેન્દ્રશાસિત પ્રદેશની બૉર્ડર પર આવેલા એક ગામના ખેડૂતે કમાલ કરી બતાવી છે. કોકોનટ મૅન્ગો જાતના નામે વિકસાવેલી તેની એક કેરી એક કિલો ૩૦૦ ગ્રામની પાકી હતી. આ કેરી ઉગાડનાર ખેડૂતની સ્ટોરી પણ એટલી જ રસપ્રદ છે. ડુંગરાળ પ્રદેશમાં કોરોના દરમ્યાન ઘણા લોકોની આજીવિકા ઠપ થઈ ગઈ હતી ત્યારે તલાસરી તાલુકાના કોચાઈ ગામના ઈશ્વર વળવીએ ૪ એકર ઉજ્જડ જમીન પર વિવિધ પ્રકારની કેરીઓ ઉગાડી હતી. આજે ટપક સિંચાઈની મદદથી ઉછેરવામાં આવેલાં ૧૦૫૧ કલમ કરેલી કેરીનાં ઝાડ અને ૪૦૦ સરબતી લીંબુનાં ઝાડનો એક સમૃદ્ધ બગીચો તેની પાસે છે. આ બગીચામાં આ વર્ષે કેરીનો પહેલો પાક થયો હતો અને ત્યાર બાદ વાશીની બજારમાં આ કેરીઓ વેચાવા આવી હતી.
