ગુરુવારે બપોરે હવામાં ૫૨૫ ફુટ ઊંચે બાંધેલી એક પાતળી દોરી પર સંતુલન જાળવીને ચાલવાનો સ્ટન્ટ સફળતાપૂર્વક કર્યો હતો. આ કરતબ જોવા માટે મોટી સંખ્યામાં ભીડ એકત્રિત થઈ હતી.
વાઇરલ વિડીયોમાંથી સ્ક્રીનશૉટ
સાઉથ કોરિયાના ત્રણ વાર વર્લ્ડ ચૅમ્પિયન રહી ચૂકેલા જાન રુઝ નામના જાંબાઝે સોલ શહેરમાં ગુરુવારે બપોરે હવામાં ૫૨૫ ફુટ ઊંચે બાંધેલી એક પાતળી દોરી પર સંતુલન જાળવીને ચાલવાનો સ્ટન્ટ સફળતાપૂર્વક કર્યો હતો. આ કરતબ જોવા માટે મોટી સંખ્યામાં ભીડ એકત્રિત થઈ હતી.
બે ઊંચાં બિલ્ડિંગોની વચ્ચે ૧૬૦ મીટર લાંબી દોરી બાંધવામાં આવી હતી. રુઝ દોરડા પર ચાલવાના ત્રણ રેકૉર્ડ બનાવી ચૂક્યા છે. દોરડા પર ચાલતી વખતે હવા પણ ખૂબ હતી. પવનને કારણે જ્યારે રુઝ સંતુલન માટે આમથી તેમ ડોલતો ત્યારે નીચે ઊભેલી પબ્લિકમાં પણ રોમાંચ ફરી વળતો હતો. આટલું સાહિસક કામ પૂરું કર્યાં પછી રુઝ કહે છે, ‘મને પણ ડર લાગે છે. ઊંચાઈથી હું પણ થથરું છું, પરંતુ એ થથરાટ અનુભવ્યા પછી સ્ટન્ટ પૂરો થાય ત્યારે બહુ મજા આવે છે.’
દોરડું પાર કરી લીધા પછી તેણે હવામાં જ અલગ-અલગ પોઝ આપ્યા હતા. આ પોઝ પણ ડરામણા હતા. ૧૬૦ મીટરનું દોરડું રુઝે ૧૫ મિનિટમાં પાર કરી લીધું હતું અને સામેના બિલ્ડિંગ પર પહોંચી ગયો હતો. જોકે એ પછી તે દોરડા પર પાછો આવ્યો હતો અને એ વખતે તેણે પાછા પગે ચાલવા અને બૅકવર્ડ બેન્ડિંગ જેવા સ્ટન્ટ કરીને જનતાનું મનોરંજન કર્યું હતું.
