ઉત્તર પ્રદેશના ભૂતપૂર્વ મુખ્ય પ્રધાન અને સમાજવાદી પક્ષના પ્રમુખ અખિલેશ યાદવે રવિવારે પત્રકાર પરિષદને સંબોધતા રાજ્યની બીજેપી સરકાર પર પ્રહાર કર્યા હતા
અખિલેશ યાદવ
ઉત્તર પ્રદેશમાં દેશના સૌથી વધુ કુપોષિત બાળકો હોવાનું કહીને અખિલેશ યાદવે રાજ્યની બીજેપી સરકાર પર પ્રહાર કર્યો છે. તેમણે કહ્યું હતું કે બીજેપી સરકાર ખોટી દિશામાં કામ કરી રહી છે તે કુપોષિત બાળકોની સંખ્યા દર્શાવે છે.
ઉત્તર પ્રદેશના ભૂતપૂર્વ મુખ્ય પ્રધાન અને સમાજવાદી પક્ષના પ્રમુખ અખિલેશ યાદવે રવિવારે પત્રકાર પરિષદને સંબોધતા રાજ્યની બીજેપી સરકાર પર પ્રહાર કર્યા હતા. તેમણે કહ્યું હતું કે ભારત હંગર ઇન્ડેક્સમાં પાકિસ્તાન, બંગલા દેશ અને નેપાળ કરતાં પણ પાછળ છે. તેમાં સૌથી વધુ કુપોષિત બાળકો ઉત્તર પ્રદેશમાં છે કેન્દ્ર સરકાર પાંચ મિલ્યન ઇકૉનૉમી બનાવવાનું કહેતી હતી અને ઉત્તર પ્રદેશ સરકાર એક ટ્રિલ્યન ઇકૉનૉમી બનાવવાનું કહેતી હતી, પણ કુપોષણના આંકડા દર્શાવે છે કે બીજેપી સરકાર ખોટી દિશામાં કામ કરી રહી છે.
ADVERTISEMENT
ગુરુવારે જાહેર થયેલા ગ્લોબલ હંગર ઇન્ડેક્સના વૈશ્વિક રિપોર્ટમાં ભારત ૨૭.૫ના સ્કોર સાથે ૧૧૬ દેશોમાં ૧૦૧માં ક્રમે આવ્યું છે.