Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > રાષ્ટ્રીય સમાચાર > આર્ટિકલ્સ > ૧ એપ્રિલથી ટૅક્સની વ્યવસ્થામાં કોઈ પણ બદલાવ નથી થયો

૧ એપ્રિલથી ટૅક્સની વ્યવસ્થામાં કોઈ પણ બદલાવ નથી થયો

02 April, 2024 07:27 AM IST | Mumbai
Gujarati Mid-day Correspondent | feedbackgmd@mid-day.com

ફાઇનૅન્સ મિનિસ્ટ્રીએ ગેરમાર્ગે દોરતી માહિતીનું કર્યું ખંડન

પ્રતીકાત્મક ફાઇલ તસવીર

પ્રતીકાત્મક ફાઇલ તસવીર


પહેલી એપ્રિલથી નવી ટૅક્સ-વ્યવસ્થા લાગુ કરી દેવામાં આવી હોવાની ગેરમાર્ગે દોરતી જાણકારી વિવિધ સોશ્યલ મીડિયા પર અપાઈ રહી હોવાથી કેન્દ્ર સરકારના નાણાખાતાએ સોશ્યલ મીડિયા પર સ્પષ્ટતા કરતાં જણાવ્યું છે કે ટૅક્સ-વ્યવસ્થામાં પહેલી એપ્રિલ ૨૦૨૪થી કોઈ બદલાવ કરવામાં આવ્યો નથી.

સેક્શન 115BAC(1A) હેઠળની નવી ટૅક્સ-વ્યવસ્થાને ફાઇનૅન્સ ઍક્ટ ૨૦૨૩માં રજૂ કરવામાં આવી હતી. જોકે વિવિધ છૂટછાટો આપતી જૂની ટૅક્સ-વ્યવસ્થા હાલમાં મોજૂદ છે. 
નવી ટૅક્સ-વ્યવસ્થા કંપનીઓ અને પેઢીઓ સિવાયની વ્યક્તિઓ માટે લાગુ છે અને એ નાણાકીય વર્ષ ૨૦૨૩-’૨૪ અને સંબંધિત અસેસમેન્ટ વર્ષ ૨૦૨૪-’૨૫ માટે ડિફૉલ્ટ-વ્યવસ્થા તરીકે લાગુ છે.



નવી ટૅક્સ-વ્યવસ્થા ડિફૉલ્ટ ટૅક્સ-વ્યવસ્થા છે, પણ કરદાતાઓ તેમને જે ફાયદાકારક હોય એવી જૂની કે નવી ટૅક્સ-વ્યવસ્થાને પસંદ કરી શકે છે. નવી ટૅક્સ-વ્યવસ્થામાંથી બહાર નીકળવાનો વિકલ્પ ૨૦૨૪-’૨૫ માટે રિટર્ન દાખલ કરવા સુધી ઉપલબ્ધ છે. જેમનો કોઈ બિઝનેસ નથી તેવા લોકોને દરેક નાણાકીય વર્ષ માટે ટૅક્સ-વ્યવસ્થા પસંદ કરવાનો વિકલ્પ ઉપલબ્ધ રહેશે. એનો અર્થ એ છે કે એક નાણાકીય વર્ષ માટે તેઓ નવી ટૅક્સ-વ્યવસ્થાને પસંદ કરી શકે છે અને બીજામાં જૂની ટૅક્સ-વ્યવસ્થાને પસંદ કરી શકે છે. તેઓ પોતાની મરજી પ્રમાણે ટૅક્સ-વ્યવસ્થા પસંદ કરી શકશે. 

૨૦૨૩માં અમલમાં આવેલી નવી ટૅક્સ-વ્યવસ્થા 
૦થી ૩ લાખ        ૦ ટકા
૩થી ૬ લાખ        ૫ ટકા
૬થી ૯ લાખ        ૧૦ ટકા
૯થી ૧૨ લાખ        ૧૫ ટકા
૧૨થી ૧૫ લાખ    ૨૦ ટકા
૧૫ લાખથી વધુ    ૩૦ ટકા


જૂની ટૅક્સ-વ્યવસ્થા
૦થી ૨.૫ લાખ    ૦ ટકા
૨.૫થી ૫ લાખ    ૫ ટકા
૫થી ૧૦ લાખ        ૨૦ ટકા
૧૦ લાખથી વધુ    ૩૦ ટકા


Whatsapp-channel Whatsapp-channel

02 April, 2024 07:27 AM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK