સરકારના પત્રમાં ચોકસીને મળતી સુવિધાઓનો ઉલ્લેખ કરવામાં આવ્યો છે. સૂવાની વ્યવસ્થામાં જાડા કપાસની સાદડી, ઓશીકું, ચાદર અને ધાબળો સામેલ છે, જેમાં તબીબી ભલામણના આધારે પલંગનો વિકલ્પ પણ છે. દરેક સેલમાં બારીઓ, પંખા અને સ્વચ્છતાની સુવિધાઓ હશે.
મેહુલ ચોકસી અને આર્થર રોડ જેલ (તસવીર: મિડ-ડે)
ગૃહ મંત્રાલય (MHA) એ બેલ્જિયમના અધિકારીઓને વિગતવાર માહિતી આપી છે કે જો ભાગેડુ ઉદ્યોગપતિ મેહુલ ચોકસીને ભારત પ્રત્યાર્પણ કરવામાં આવે તો તેને કેવી પરિસ્થિતિઓ હેઠળ રાખવામાં આવશે. બેલ્જિયમના ન્યાય મંત્રાલય અને ન્યાયિક સંસ્થાઓને સંબોધિત આ પત્રમાં ચોકસીને ભારતમાં ક્યાં અને કેવી રીતે રાખવામાં આવશે તેની રૂપરેખા આપવામાં આવી છે, જેમાં એન્ટવર્પમાં તેના પ્રત્યાર્પણની કાર્યવાહી આગળ વધતાં માનવ અધિકારો અને કસ્ટોડિયલ ધોરણો અંગેની ચિંતાઓને દૂર કરવાનો પ્રયાસ કરવામાં આવ્યો છે.
ચોકસીને મુંબઈની આર્થર રોડ જેલમાં રાખવામાં આવશે
ADVERTISEMENT
MHA અનુસાર, ચોકસીને મુંબઈની આર્થર રોડ જેલના બૅરેક નંબર 12 માં રાખવામાં આવશે, જે અહિંસક આર્થિક ગુનેગારો માટે અલગ એકમ છે. બૅરેક, જેમાં છ અટકાયતીઓ રહી શકે છે, તે હાલમાં ખાલી છે. આંતરરાષ્ટ્રીય ધોરણો અનુસાર, દરેક કેદીને ઓછામાં ઓછી ત્રણ ચોરસ મીટર વ્યક્તિગત જગ્યા આપવામાં આવશે.
ચોકસીને ઓશીકું અને ધાબળો પૂરો પાડવામાં આવશે
સરકારના પત્રમાં ચોકસીને મળતી સુવિધાઓનો ઉલ્લેખ કરવામાં આવ્યો છે. સૂવાની વ્યવસ્થામાં જાડા કપાસની સાદડી, ઓશીકું, ચાદર અને ધાબળો સામેલ છે, જેમાં તબીબી ભલામણના આધારે પલંગનો વિકલ્પ પણ છે. દરેક સેલમાં બારીઓ, પંખા અને સ્વચ્છતાની સુવિધાઓ હશે, જેમાં ફ્લશ ટોઇલેટ, વૉશ બેસિન અને શાવર એરિયા પણ હશે. મ્યુનિસિપલ સિસ્ટમ દ્વારા પીવાનું પાણી સતત પૂરું પાડવામાં આવે છે, અને સેલનું નિયમિત સફાઈ અને પેસ્ટ કંટ્રોલ કરવામાં આવશે.
ખોરાકની વાત કરીએ તો, કેદીઓને દરરોજ ત્રણ ટાઈમ ભોજન મળે છે, જેમાં તબીબી અથવા આહારની જરૂરિયાતો માટે જોગવાઈ હોય છે. જેલ કેન્ટીન ફળો અને નાસ્તાની ખરીદીની મંજૂરી આપે છે. કેદીઓ રોજે ખુલ્લા આંગણામાં કસરત પણ કરી શકે છે, જેમાં બોર્ડ ગેમ્સ, યોગ અને મેડિટેશન જેવા ઇન્ડોર મનોરંજન સાથે લાઇબ્રેરીની પણ સુવિધાઓ આપવામાં આવશે.
24x7 તબીબી સહાયની ખાતરી
બૅરેકમાં છ ડૉકટરો, નર્સિંગ સ્ટાફ, ફાર્માસિસ્ટ અને પ્રયોગશાળા સહાય સાથે 24x7 તબીબી એકમ દ્વારા સેવા આપવામાં આવે છે. ICU ક્ષમતા ધરાવતી 20-બેડવાળી જેલ હૉસ્પિટલ અંદર ઉપલબ્ધ છે, જ્યારે ત્રણ કિલોમીટર દૂર મુંબઈની સર જે.જે. હૉસ્પિટલમાં પણ ઈલાજ કરી શકાય છે. સરકારે ચોકસીના હાલના તબીબી ઇતિહાસને ધ્યાનમાં લેવાનું પણ વચન આપ્યું છે, જેથી તેને જરૂરી સારવાર અને ઉપચાર મફતમાં મળે.
ચોવીસ કલાક કડક સુરક્ષા
નિરીક્ષણ અને સુરક્ષા કડક રહેશે. બૅરેક સતત સીસીટીવી દેખરેખ હેઠળ છે અને ચોવીસ કલાક સ્ટાફ તહેનાત હશે. ગૃહ મંત્રાલય અનુસાર, ભીડભાડ, હિંસા અને છેડતીની શક્યતા નકારી કાઢવામાં આવી છે. ચોકસીને વકીલો, સાપ્તાહિક પરિવારની મુલાકાતો અને ટેલિફોન અને વિડિયો-કોન્ફરન્સિંગ સુવિધાઓનો નિયમિત ઉપયોગ કરવામાં આવશે. મહારાષ્ટ્ર સરકાર અને જેલ પ્રશાસન સાથે તપાસ કરાયેલી ખાતરીઓમાં જેલ સ્ટાફ માટે તાલીમ, રાષ્ટ્રીય અને રાજ્ય માનવ અધિકાર કમિશન દ્વારા ન્યાયિક દેખરેખ પર પણ ભાર મૂકવામાં આવ્યો છે.
