ચંદ્રની કક્ષામાં દાખલ થયું Chandrayaan 2, મુશ્કેલ તબક્કો પડ્યો પાર

ચંદ્રની કક્ષામાં દાખલ થયું Chandrayaan 2, મુશ્કેલ તબક્કો પડ્યો પાર

ચંદ્રની કક્ષામાં દાખલ થયું Chandrayaan 2

પોતાના લૉન્ચિંગના 29 દિવસો બાદ ચંદ્રયાન-2 મંગળવારે સવારે ચંદ્રમાની કક્ષામાં પ્રવેશી ગયું. ચંદ્રયાન 2 સાત સપ્ટેમ્બરે ચંદ્રમા પર લેન્ડ કરશે, એ પહેલા ઈસરોની આ સિદ્ધી માઈલ સ્ટોન સમાન છે. ચંદ્રયાન 2 22 જુલાઈના દિવસે આંધ્ર પ્રદેશના શ્રી હરિકોટામાં આવેલા સતીશ ધવન સ્પેસ સેન્ટરથી ઈસરોના સૌથી ભારે રોકેટ જીએસએલવી-માર્ક 3(બાહુબલી)ની મદદથી પ્રક્ષેપિત કરવામાં આવ્યું હતું.

ISRO: Lunar Orbit Insertion of #Chandrayaan2 maneuver was completed successfully today at 0902 hrs IST. (file pic) pic.twitter.com/cEZSoMk4uL

— ANI (@ANI) August 20, 2019

ADVERTISEMENT

ઓછી કરવામાં આવી ઝડપ
વૈજ્ઞાનિકોએ ચંદ્રમામાં પ્રવેશ કરવા માટે તેના ગુરૂત્વાકર્ષણ પ્રભાવમાં પહોંચવા માટે ચંદ્રયાનની ગતિ ઓછી કરી હતી. આ દરમિયાન તમામ કમાન્ડ પર્ફેક્ટ આપવામાં આવ્યા. વૈજ્ઞાનિકોનું માનીએ તો આ સમયે થયેલી એક નાનકડી ભૂલ યાનને અનિયંત્રિત કરી શકતી હતી. આ ખૂબ જ મુશ્કેલ હતું, જેને ચંદ્રયાન-2 એ સફળતાપૂર્વક પાર પાડ્યું.

ફરી એક વાર શરૂ થશે કક્ષામાં ફેરફારની પ્રક્રિયા
ઈસરોના વૈજ્ઞાનિકોનું માનીએ તો ચંદ્રમાની કક્ષામાં પ્રવેશ કર્યા બાદ યાન 31 ઑગસ્ટ સુધી ચંદ્રમાની કક્ષાની પરિક્રમા કરશે. આ દરમિયાન ફરી એક વાર કક્ષામાં ફેરફારની પ્રક્રિયા શરૂ થશે. અને સાત સપ્ટેમ્બરે ચંદ્રયાન ચંદ્રના દક્ષિણીય ધ્રુવ પર લેન્ડ કરશે જ્યા અત્યાર સુધી કોઈ માનવ નિર્મિત યાન નથી ઉતર્યું.