પરિસરમાં સેફ્ટીનાં પૂરતાં પગલાં લેવામાં આવ્યાં હતાં કે કેમ એ પણ હજી સ્પષ્ટ થયું નથી.
વાઇરલ વિડીયોમાંથી સ્ક્રીનશૉટ
મહારાષ્ટ્રના પાલઘર જિલ્લામાં આવેલી ટીના રબર કંપનીમાં સ્ટોરરૂમની દીવાલ ધરાશાયી થતાં બે મહિલાઓ સહિત ૩ કામદારોનાં મોત થયાં હોવાના અહેવાલ છે. કામદારો નાસ્તો કરી રહ્યા હતા ત્યારે અચાનક દીવાલ તૂટી પડી હતી અને એના કાટમાળ નીચે કામદારો દબાઈ ગયા હતા. વાડા પોલીસે ઘટનાસ્થળે પહોંચીને આગળની કાર્યવાહી કરી હતી. સ્ટોરરૂમની દીવાલ કયા સંજોગોમાં ધરાશાયી થઈ એની ચોક્કસ વિગતો હજી સુધી જાણી શકાઈ નથી. તપાસના ભાગરૂપે પોલીસ દીવાલનું સ્ટ્રક્ચર અને ઘટનાને લગતી પરિસ્થિતિની તપાસ કરે એવી અપેક્ષા છે. ઘટના સમયે પરિસરમાં સેફ્ટીનાં પૂરતાં પગલાં લેવામાં આવ્યાં હતાં કે કેમ એ પણ હજી સ્પષ્ટ થયું નથી.
