ફિલ્મઉદ્યોગની કેટલીક સેલિબ્રિટીઝ અને ક્રિકેટરોને હળવાં લક્ષણો હતાં અથવા તો લક્ષણો નહોતાં, પરંતુ તેઓ મોટી હૉસ્પિટલોમાં દાખલ થયા હતા
અસલમ શેખ
મહારાષ્ટ્રના પ્રધાન અસલમ શેખે મંગળવારે સેલિબ્રિટીઝ અને ક્રિકેટરો પર કોરોના સંક્રમણનાં ગંભીર લક્ષણો ન હોવા છતાં મોટી હૉસ્પિટલોના બેડ કબજે કરી લીધા હોવાનો આક્ષેપ કર્યો હતો.
મુંબઈના ગાર્ડિયનપ્રધાન અસલમ શેખે જણાવ્યું હતું કે ફિલ્મી હસ્તીઓ અને ક્રિકેટરોએ મોટી ખાનગી હૉસ્પિટલોના બેડ લાંબા સમયથી કબજે કરી લીધા છે.
ADVERTISEMENT
ફિલ્મઉદ્યોગની કેટલીક સેલિબ્રિટીઝ અને ક્રિકેટરોને હળવાં લક્ષણો હતાં અથવા તો લક્ષણો નહોતાં, પરંતુ તેઓ મોટી હૉસ્પિટલોમાં દાખલ થયા હતા અથવા લાંબા સમય સુધી બેડ કબજે કરી લીધા હતા એમ રાજ્યના ટેક્સટાઇલપ્રધાને જણાવ્યું હતું.
જો તેઓ હૉસ્પિટલોમાં દાખલ ન થયા હોત તો રાજ્ય કોરોનાના જરૂરિયાતમંદ દરદીઓને ત્યાં દાખલ કરાવી શક્યું હોત એમ તેમણે જણાવ્યું હતું.
ઉલ્લેખનીય છે કે કોરોનાવાઇરસના કેસ વધતાં મહારાષ્ટ્ર સરકાર સારવાર સુવિધાઓ ખાતે બેડની ક્ષમતા વધારવા માટે કાર્યરત છે અને એણે આગામી પાંચ-છ સપ્તાહમાં મુંબઈમાં ત્રણ જમ્બો ફીલ્ડ હૉસ્પિટલ ઊભી કરવાની જાહેરાત કરી છે.
