° °

આજનું ઇ-પેપર
Friday, 02 December, 2022


શ્રદ્ધા વાલકરને બે વર્ષ પહેલા જ આફતાબની કરતતૂનો હતો અંદાજ, પોલીસને લખ્યો હતો પત્ર

23 November, 2022 03:18 PM IST | Mumbai
Gujarati Mid-day Online Correspondent | gmddigital@mid-day.com

બે વર્ષ પહેલા લખેલા પત્રમાં શંકા વયક્ત કરી હતી કે, આફતાબ તેના શરીરના ટુકડે-ટુકડા કરી દેશે

શ્રદ્ધા વાલકરે પોલીસને લખેલો પત્ર, તુલિંજ પોલીસ સ્ટેશન (તસવીર : હનીફ પટેલ)

શ્રદ્ધા વાલકરે પોલીસને લખેલો પત્ર, તુલિંજ પોલીસ સ્ટેશન (તસવીર : હનીફ પટેલ)

બહુચર્ચિત શ્રદ્ધા વાલકર (Shraddha Walkar) મર્ડર કેસમાં દરરોજ નવા વળાંકો અને ખુલાસા આવે છે. હવે જાણવા મળ્યું છે કે, શ્રદ્ધાએ બે વર્ષ પહેલા મુંબઈ પોલીસમાં બૉયફ્રેન્ડ આફતાબ પૂનાવાલા (Aftab Poonawala) વિરુદ્ધ ફરિયાદ નોંધાવી હતી. શ્રદ્ધાએ મુંબઈ પોલીસને પત્ર લખીને જણાવ્યું હતું કે, આફતાબ તેને મારતો હતો. જો પોલીસે સમયસર કોઈ કાર્યવાહી ન કરી તો તે તેને મારી નાખશે.

શ્રદ્ધા વાલકરે ૨૩ નવેમ્બર ૨૦૨૦ના રોજ તુલિંજ પોલીસ સ્ટેશનને પત્ર લખ્યો હતો. આ પત્રમાં શ્રદ્ધાએ જણાવ્યું હતું કે, આફતાબે તેની સાથે મારપીટ કરી હતી. ગળું દબાવીને મારી નાખવાનો પ્રયાસ કર્યો હતો. એટલું જ નહીં, આફતાબે તેને જાનથી મારી નાખવાની અને ટૂકડા કરી નાખવાની ધમકી આપી હતી. તે સતત શ્રદ્ધાને બ્લેકમેલ કરતો હતો.

આ પત્ર પ્રમાણે, `તે મને ડરાવે છે અને બ્લેકમેલ કરે છે કે તે મને મારી નાખશે, મારા ટુકડા કરી દેશે અને ફેંકી દેશે. છ મહિનાથી તે મને મારે છે. મારામાં પોલીસ પાસે જવાની હિંમત નહોતી કારણ કે તેણે મને મારી નાખવાની ધમકી આપી હતી. તેના માતા-પિતાને ખબર છે કે તે મને મારતો હતો અને તેણે મને મારવાનો પ્રયાસ કર્યો હતો. અમે સાથે રહેતા હતા તે વિશે પણ તેઓ જાણે છે અને તેઓ સપ્તાહના અંતે અમારી મુલાકાત લે છે. હું આજ સુધી તેની સાથે રહું છું કારણ કે અમે જલ્દી લગ્ન કરવાના હતા અને તેના પરિવારના આશીર્વાદ તેમજ સહમતિ પણ હતી.`

હવેથી, ‘હું તેની સાથે રહેવા નથી માંગતી. એટલે જો મને કંઈપણ થાય તો તેના માટે તે જવાબદાર રહેશે. એ મને જ્યારે પણ જ્યાં પણ જોશે બ્લેકમેલ અને મારી નાખવાની ધમકી આપશે.’

આ પણ જુઓ : શ્રદ્ધા વાલકરે કેમ કર્યો હતો બે વર્ષ પહેલા પોલીસનો સંપર્ક? જુઓ વીડિયો

તમને જણાવી દઈએ કે, આરોપી આફતાબ અત્યારે પોલીસ કસ્ટડીમાં છે.

23 November, 2022 03:18 PM IST | Mumbai | Gujarati Mid-day Online Correspondent

અન્ય લેખો

મુંબઈ સમાચાર

લાઇવ સ્ટ્રીમ દરમિયાન કોરિયન વ્લોગરની મુંબઈમાં થઈ સતામણી, બે ઝડપાયા

વીડિયો મુંબઈના ખાર વિસ્તારનો છે

01 December, 2022 01:21 IST | Mumbai | Gujarati Mid-day Online Correspondent
મુંબઈ સમાચાર

લોનાવલા માટે કૅબ બુક કરાવવા જતાં ૧.૪૯ લાખ રૂપિયા ગુમાવ્યા

સાઇબર ગઠિયાની વાતમાં ફસાઈ ગયેલી દહિસરની ચાર્ટર્ડ અકાઉન્ટન્ટ યુવતી સાથે થયું સાઇબર ફ્રૉડ

01 December, 2022 09:10 IST | Mumbai | Mehul Jethva
મુંબઈ સમાચાર

શ્રદ્ધા મર્ડરકેસમાં મુંબઈ આવેલી દિલ્હી પોલીસની ટીમ ખાલી હાથે પાછી ફરી

આફતાબે અહીં પણ જે પુરાવા હતા એનો નાશ કર્યો છે જેમાં મુખ્યત્વે શ્રદ્ધાના મોબાઇલનો સમાવેશ થાય છે. એ માટે એવું કહેવાય છે કે એ મોબાઇલ તેણે ભાઈંદરની ખાડીમાં ફગાવી દીધો છે

01 December, 2022 08:10 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK