દંપતીએ અંધશ્રદ્ધાના ભાગ રૂપે અને આત્માઓને ભગાડવાની પ્રક્રિયા તરીકે બાળકને અત્યાચાર ગુજાર્યો હતો. ગંભીર રીતે ઘાયલ બાળકને સારવાર માટે પરેલની વાડિયા હોસ્પિટલમાં દાખલ કરવામાં આવ્યો છે.
બ્લેક મેજિક (ફાઈલ તસવીર)
મુંબઈના ભાંડુપ વિસ્તારમાં રહેતા પતિ-પત્નીને હાઉસ હેલ્પના અઢી વર્ષના બાળક પર અત્યાચાર કરવાના આરોપમાં ધરપકડ કરવામાં આવી છે. મુંબઈ પોલીસ તરફથી મળતી માહિતી પ્રમાણે, મુંબઈના ભાંડુપ વિસ્તારમાં એક ચોંકાવનારી ઘટના પ્રકાશમાં આવી છે જ્યાં એક પતિ-પત્નીએ તેમના ઘરકામ કરતા નાગરિકના અઢી વર્ષના બાળક પર અત્યાચાર ગુજાર્યો હતો. દંપતીએ અંધશ્રદ્ધાના ભાગ રૂપે અને આત્માઓને ભગાડવાની પ્રક્રિયા તરીકે બાળકને અત્યાચાર ગુજાર્યો હતો. ગંભીર રીતે ઘાયલ બાળકને સારવાર માટે પરેલની વાડિયા હોસ્પિટલમાં દાખલ કરવામાં આવ્યો છે.
દંપતી વિરુદ્ધ માનવ બલિ સહિત અનેક ગંભીર કલમો હેઠળ નોંધાયો કેસ
આ ઘટના પછી, ભાંડુપ પોલીસે આરોપી દંપતી વિરુદ્ધ મહારાષ્ટ્ર માનવ બલિદાન અને અન્ય અમાનવીય, દુષ્ટ અને અઘોરી પ્રથાઓ કાળા જાદુ નિવારણ અને નાબૂદી અધિનિયમ તેમજ બાળ સુરક્ષા અધિનિયમ હેઠળ કેસ નોંધ્યો છે. ભાંડુપ પોલીસના એક વરિષ્ઠ અધિકારીએ જણાવ્યું હતું કે ધરપકડ કરાયેલા બે આરોપીઓની ઓળખ વૈભવ કોકરે (35 વર્ષ) અને તેની પત્ની હર્ષદા કોકરે (32 વર્ષ) તરીકે થઈ છે, જેઓ ભાંડુપ પશ્ચિમના રહેવાસી છે. તેઓ તેમના ઘરની નજીક પાણી પુરવઠાનો વ્યવસાય ચલાવે છે.
ADVERTISEMENT
બાળકને સોટીએ સોટીએ માર્યો માર અને તેનો ચહેરા પર દીધા માચીસથી ડામ
છેલ્લા કેટલાક અઠવાડિયાથી તેમની સાથે કામ કરતી ૩૭ વર્ષીય મહિલા તેના નાના દીકરાને પોતાની સાથે કામ પર લઈ જતી હતી. દંપતીને શંકા થવા લાગી કે બાળક ઘણીવાર રડતું હોવાથી તેના પર કોઈ ભૂતનો `વાસ` છે. `ભૂતથી છૂટકારો મેળવવા` માટે તેઓએ તેને લાકડીથી મારવાનું અને માચીસથી સળગાવી દેવાનું શરૂ કર્યું. આ ઘટના લગભગ ચારથી પાંચ દિવસ સુધી ચાલુ રહી.
બાળકની માતાને પણ કરવામાં આવી હતી હેરાન
કાળા જાદુ અને ભૂત કાઢવાના બહાને દંપતી દ્વારા માત્ર બાળકને જ આ ક્રૂરતા સહન કરવી પડી ન હતી, પરંતુ તેની માતાને પણ હેરાન કરવામાં આવી હતી. ઘટનાની માહિતી મળતાં, ભાંડુપ પોલીસ તાત્કાલિક ઘટનાસ્થળે પહોંચી ગઈ અને મહિલા અને તેના બાળકને બચાવી લીધો અને આરોપી દંપતીની ધરપકડ કરી. બાળકને તાત્કાલિક વાડિયા હોસ્પિટલ લઈ જવામાં આવ્યો અને માતાનું નિવેદન નોંધવામાં આવ્યું. ધરપકડ કરાયેલા બંને આરોપીઓને કોર્ટમાં રજૂ કરવામાં આવ્યા જ્યાં તેમને વધુ તપાસ માટે ૩૦ જૂન સુધી પોલીસ કસ્ટડીમાં મોકલી દેવામાં આવ્યા.
તે ઘણીવાર તેના અઢી વર્ષના દીકરાને કામ પર લાવતી હતી. દીકરો કામ દરમિયાન વારંવાર રડતો હતો. વૈભવ અને તેની પત્ની હર્ષદાએ તેની માતાને કહ્યું કે તે રડી રહ્યો છે કારણ કે તેને ભૂત વળગેલું છે. તેમણે બાળકને થપ્પડ પણ મારી અને કહ્યું કે તેમની પાસે તેનો ઉપાય છે. તેઓએ તેને લાકડાના લાકડીથી પણ માર માર્યો.
છોકરાની માતાએ તેના સંબંધીઓને આ બાબતની જાણ કરી, જેના પગલે તેઓ તાત્કાલિક ભાંડુપ પોલીસ સ્ટેશન દોડી ગયા. તેમણે પોલીસને ઘટનાની જાણ કરી, જેના પગલે પોલીસે મહારાષ્ટ્ર પ્રિવેન્શન એન્ડ એરેડિકેશન ઑફ હ્યુમન સેક્રિફાઇસ એન્ડ અધર ઇનહુમન, એવિલ એન્ડ અઘોરી પ્રેક્ટિસ એન્ડ બ્લેક મેજિક એક્ટ, 2013 હેઠળ કેસ નોંધ્યો અને બંનેની ધરપકડ કરી. મુંબઈ પોલીસે બાળકને સારવાર માટે વાડિયા હોસ્પિટલમાં દાખલ કર્યો છે અને કેસની વધુ તપાસ કરી રહી છે.
