MNSની ઇલેક્શન કમિશનમાં ફરિયાદ
કૉન્ગ્રેસના ચૂંટણીચિહ્ન અને મહારાષ્ટ્ર પોલીસનું સિમ્બૉલ
કૉન્ગ્રેસના ચૂંટણીચિહ્ન પંજા વિશે નવો વિવાદ ઊભો થયો છે. મહારાષ્ટ્ર નવનિર્માણ સેના (MNS)ના મહારાષ્ટ્રના ઉપાધ્યક્ષ અશોક તાવરેએ ઇલેક્શન-કમિશનમાં ફરિયાદ કરી છે જેમાં માગણી કરવામાં આવી છે કે ‘કાં કૉન્ગ્રેસનું ચૂંટણીચિહ્ન બદલો અથવા મહારાષ્ટ્ર પોલીસના સિમ્બૉલમાંથી પંજાને દૂર કરો. ચૂંટણી વખતે દરેક મતદાન-કેન્દ્રમાં પોલીસ તહેનાત કરવામાં આવે છે. યુનિફૉર્મ પર પોલીસનો સિમ્બૉલ હોય છે એમાં પંજો દેખાય છે એટલે એક રીતે ચૂંટણીની આચારસંહિતાનો ભંગ થાય છે. આથી આ ફેરફાર કરવો જરૂરી છે.’
હવે ઇલેક્શન કમિશન MNSના નેતાને શું જવાબ આપે છે એના પર બધાની નજર છે.
