રવિવારને જોડીને મતદાનની રજા આવી હોવા છતાં નાગરિકો મતદાન કરવાનું ભૂલે નહીં એટલે વારંવાર જાગૃતિ ફેલાવવામાં આવી રહી છે
પ્રતીકાત્મક તસવીર
મુંબઈમાં ૨૦ મેએ યોજાનારી લોકસભાની ચૂંટણી માટે મતદાન વિશે જાગૃતિ ફેલાવવા શનિવારે ૧૧ મેએ સવારે સાડાછ વાગ્યે થાણેમાં મિની મૅરથૉનનું આયોજન કરવામાં આવ્યું છે. થાણે મ્યુનિસિપલ કમિશનર સૌરભ રાવે આ મૅરથૉનમાં ભાગ લેવા માટે શક્ય એટલા વધુ દોડવીરોને અપીલ કરી છે. આ મિની મૅરથૉન થાણે મહાનગરપાલિકા, કલેક્ટર કાર્યાલય, થાણે ડિસ્ટ્રિક્ટ ઍથ્લેટિક અસોસિએશન અને થાણે સિટિઝન્સ ફાઉન્ડેશનની સંયુક્ત પહેલ છે.
રવિવારને જોડીને મતદાનની રજા આવી હોવા છતાં નાગરિકો મતદાન કરવાનું ભૂલે નહીં એટલે વારંવાર જાગૃતિ ફેલાવવામાં આવી રહી છે એથી ‘રન ઍન્ડ વોટ’ના સંદેશ સાથે શનિવારે મિની મૅરથૉનનું આયોજન કરવામાં આવ્યું છે. આ મૅરથૉનમાં ૧૨ વર્ષથી ઉપર, ૧૫ વર્ષથી નીચે, ૧૮ વર્ષથી નીચે, ૧૮ વર્ષથી ઉપર મળીને ૩ કૅટેગરીમાં જૂથને વહેંચવામાં આવ્યાં છે. મૅરથૉનનો ઇનામ વિતરણ સમારોહ થાણેના ઘાણેકર ઑડિટોરિયમમાં યોજાશે.
ADVERTISEMENT
અહીં રજિસ્ટ્રેશન કરી શકાશે
મિની મૅરથૉન ૧૧ મે શનિવારે ૬.૩૦ વાગ્યાથી કાશિનાથ ઘાણેકર નાટ્યગૃહથી શરૂ થશે. આ મિની મૅરથૉન માટે રજિસ્ટ્રેશન કરવા http://thanecitizens.org/mini-marathon-registration/ લિન્ક પર જવું.