છત્રપતિ સંભાજીનગર શહેરમાં કુલ ૯૪૧ સાર્વજનિક ગણેશ મંડળો છે. ઝોન-૧માં ૪૦૯ મંડળોનો સમાવેશ થાય છે, જ્યારે ઝોન-2માં ૫૩૨ મંડળોનો સમાવેશ થાય છે. આ ઉપરાંત, ઘરોમાં સ્થાપિત કરવામાં આવેલી આશરે ૧,૬૫,૦૦૦ ગણેશ મૂર્તિઓનું વિસર્જન કરવામાં આવશે.
પ્રતીકાત્મક ફાઇલ તસવીર
મહારાષ્ટ્રમાં એક તરફ ગણેશ વિસર્જનની ધૂમ વચ્ચે બીડ જિલ્લામાં ગણેશ વિસર્જન વખતે રૅલી કે શોભાયાત્રા પહેલાં ડીજે અને લેઝર લાઈટ્સના ઉપયોગ પર સંપૂર્ણ પ્રતિબંધ મૂકવામાં આવ્યો છે. આ આદેશનું ઉલ્લંઘન કરનાર ડીજે ઑપરેટરો, માલિકો અને સંબંધિત ગણેશ મંડળો સામે સીધા કાયદેસરના કેસ દાખલ કરવામાં આવશે. પોલીસ અધિક્ષકે કડક ચેતવણી આપી છે કે જો કોઈ પોલીસ સ્ટેશનની હદમાં ડીજે વાગતું જોવા મળશે તો ત્યાંના સ્ટેશન હાઉસ ઓફિસર (SHO)ની તાત્કાલિક બદલી કરવામાં આવશે. વિસર્જન સરઘસો દરમિયાન ડીજે ન વાગે તે સુનિશ્ચિત કરવાની જવાબદારી પોલીસને સોંપવામાં આવી છે. કાયદો અને વ્યવસ્થા જાળવવા માટે, પોલીસે ૨૦૨ તોફાની તત્વો સામે અટકાયતી પગલાં લીધાં છે. વિસર્જન સરઘસો માટે વ્યાપક પોલીસ સુરક્ષા વ્યવસ્થા પણ ગોઠવવામાં આવી છે.
છત્રપતિ સંભાજીનગરમાં પણ સઘન સુરક્ષા
ADVERTISEMENT
દરમિયાન, છત્રપતિ સંભાજીનગર શહેર પોલીસે પણ ગણેશ વિસર્જન માટે વ્યાપક તૈયારીઓ કરી છે. પોલીસ કમિશનર પ્રવીણ પવારના માર્ગદર્શન હેઠળ સમગ્ર શહેરમાં ચુસ્ત સુરક્ષા વ્યવસ્થા ગોઠવવામાં આવી છે. વિસર્જન સરઘસ માટે કરવામાં આવેલા દળમાં ૪ ડૅપ્યુટી કમિશનર ઓફ પોલીસ (DCP), ૭ અસિસ્ટન્ટ કમિશનર ઓફ પોલીસ (ACP), ૩૮ પોલીસ ઇન્સ્પેક્ટર, ૧૪૭ આસિસ્ટન્ટ પોલીસ ઇન્સ્પેક્ટર અને સબ-ઇન્સ્પેક્ટર તથા ૨,૪૩૪ પોલીસ કર્મચારીઓનો સમાવેશ થાય છે. આ ઉપરાંત, SRPFની એક કંપની, RAFની એક કંપની, રમખાણ નિયંત્રણ ટુકડી (Riot Control Squad)ની બે પ્લાટૂન અને ૫૦૦ હોમ ગાર્ડ્સની મદદ લેવામાં આવશે. વરિષ્ઠ અધિકારીઓ સાથે કામ કરવા માટે બાર ટાસ્ક ફોર્સની નિમણૂક કરવામાં આવી છે. કંટ્રોલ રૂમ ખાતે એક અનામત દળ (રિઝર્વ ફોર્સ) પણ સ્ટેન્ડબાય રાખવામાં આવ્યું છે.
૯૪૧ સાર્વજનિક મંડળો, ૧.૬૫ લાખ ઘરેલુ મૂર્તિઓનું વિસર્જન
છત્રપતિ સંભાજીનગર શહેરમાં કુલ ૯૪૧ સાર્વજનિક ગણેશ મંડળો છે. ઝોન-૧માં ૪૦૯ મંડળોનો સમાવેશ થાય છે, જ્યારે ઝોન-2માં ૫૩૨ મંડળોનો સમાવેશ થાય છે. આ ઉપરાંત, ઘરોમાં સ્થાપિત કરવામાં આવેલી આશરે ૧,૬૫,૦૦૦ ગણેશ મૂર્તિઓનું વિસર્જન કરવામાં આવશે. જાહેર ગણેશ મૂર્તિઓનું વિસર્જન 25 સપ્ટેમ્બરના રોજ નિર્ધારિત છે, જ્યારે કેન્ટોનમેન્ટ વિસ્તારની મૂર્તિઓનું વિસર્જન આજે થશે. સિડકો-હડકો (CIDCO-HUDCO), ન્યૂ છત્રપતિ સંભાજીનગર અને MIDC વાલુજ વિસ્તારોમાં નીકળનારી શોભાયાત્રાઓ માટે સુરક્ષાની અલગ વ્યવસ્થા કરવામાં આવી છે.
વિસર્જન માટે ૨૨ સ્થળો નક્કી કરાયા
શહેરમાં વિસર્જન માટે ૨૨ અધિકૃત સ્થળો નક્કી કરવામાં આવ્યા છે. છ ફૂટથી વધુ ઊંચાઈ ધરાવતી મૂર્તિઓ માટે કર્ણપુરા ટોકા અને હરસુલ તળાવ ખાતે વ્યવસ્થા કરવામાં આવી છે, જ્યારે નાની મૂર્તિઓ માટે કૂવા અને અન્ય સ્થળો તૈયાર કરવામાં આવ્યા છે. સમગ્ર શહેરમાં ૪૮ કલેક્શન સેન્ટરો (મૂર્તિ એકત્રીકરણ કેન્દ્રો) તૈયાર કરવામાં આવ્યા છે. ધ્વનિ પ્રદૂષણના નિયમોનું કડક પાલન ફરજિયાત બનાવવામાં આવ્યું છે. પોલીસ ઇન્સ્પેક્ટરોને ૨૮ નોઈઝ લેવલ મીટર (અવાજની તીવ્રતા માપવાના સાધનો) આપવામાં આવ્યા છે અને ૧૨૩ પોલીસ અધિકારીઓ તથા કર્મચારીઓને તેના ઉપયોગ અંગે તાલીમ આપવામાં આવી છે. ગણેશોત્સવ અને વિસર્જન શોભાયાત્રા દરમિયાન ખાનગી ડ્રોન ઉડાડવા પર પ્રતિબંધ છે. ડ્રોન અથવા અન્ય હવાઈ ઉપકરણોના અનધિકૃત ઉપયોગ બદલ કાયદેસરની કાર્યવાહી કરવામાં આવશે, જેમાં BNSની કલમ ૨૨૩ હેઠળ કેસ નોંધવાનો પણ સમાવેશ થાય છે.
