આ ચૂંટણી ખૂબ જ મહત્ત્વપૂર્ણ હતી કારણ કે રાજ્યમાં ત્રણ મહિનામાં વિધાનસભાની ચૂંટણી યોજાવાની છે. રાજ્યમાં ચાલી રહેલી તત્કાલીન મહાવિકાસ અઘાડી સરકાર જૂન 2022માં યોજાયેલી એમએલસી ચૂંટણી પછી જ પડી ગઈ હતી
ઉદ્ધવ ઠાકરે અને એકનાથ શિંદેની ફાઇલ તસવીર
મહારાષ્ટ્રમાં વિધાન પરિષદ (Maharashtra Legislative Council Elections)ની 11 બેઠકો માટે શુક્રવારે મતદાન પૂર્ણ થયું. 11 બેઠકો માટે 12 ઉમેદવારો મેદાનમાં હતા. મતદાન પૂર્ણ થયા બાદ તમામ 11 બેઠકોના પરિણામ પણ આવી ગયા છે. રાજ્યના નાયબ મુખ્ય પ્રધાન દેવેન્દ્ર ફડણવીસે ટ્વીટ કર્યું છે કે NDAએ નવ બેઠકો જીતી છે. તે જ સમયે કૉંગ્રેસ અને શિવસેનાના એક-એક ઉમેદવારે પણ જીત મેળવી છે.



