પરેલના એક બૂથમાં મોબાઇલ સાથે પ્રવેશની સદંતર મનાઈ
રોહિત શર્મા
જી-સાઉથ વોર્ડ નજીક પરેલમાં ગ્લોબ મિલ પેસેજ બીએમસી સ્કૂલમાં ઊભા કરવામાં આવેલા મતદાન મથકના મતદારોને બૂથમાં મોબાઇલ ફોન લઈ જવા દેવામાં આવતા નહોતા, પરિણામે તેમણે પોતાના મિત્રો અને પરિચિતોને મોબાઇલ ફોન સોંપીને મતદાન કરવાની ફરજ પડી હતી. બૂથ પરના ઝોનલ ઑફિસર ભારતી પ્રભુએ ‘મિડ-ડે’ને જણાવ્યું હતું કે તે માત્ર ચૂંટણીપંચે બનાવેલા નિયમનું પાલન કરી રહી હતી. રિટર્નિંગ ઑફિસર સુષમા સતપૂતેએ ‘મિડ-ડે’ને કહ્યું હતું કે ચૂંટણીપંચના બનાવેલા નિયમોનો ભંગ કરવાની પરવાનગી હું કોઈને કઈ રીતે આપી શકું?
આ પણ વાંચો : રાજ્યમાં છૂટક હિંસા, વરસાદના વિઘ્ન વચ્ચે મતદાનની ટકાવારી ઘટી
ADVERTISEMENT
અન્ય બૂથો વ્યવહારુ અભિગમ અપનાવી મોબાઇલ ફોન લઈ જવાની પરવાનગી આપે તેનો એ અર્થ નથી થતો કે લોકો નિયમભંગ કરે. જોકે એક ચૂંટણી અધિકારીએ કહ્યું હતું કે કેટલાક લોકોએ મતદાન કરતી વખતે સેલ્ફી લીધી હતી, જે નિયમોની વિરુદ્ધ છે.