મુકેશ અંબાણીએ વડાપ્રધાન મોદીને “ભારતના ઈતિહાસના સૌથી સફળ પીએમ” ગણાવ્યા

રિલાયન્સ ઈન્ડસ્ટ્રીઝના ચેરમેન મુકેશ અંબાણીએ 10મી જાન્યુઆરીએ 10મી વાઈબ્રન્ટ ગુજરાત સમિટમાં વડાપ્રધાન નરેન્દ્ર મોદીના રાષ્ટ્ર માટેના વિઝનની પ્રશંસા કરી અને તેમને “ભારતના ઈતિહાસના સૌથી સફળ વડાપ્રધાન” ગણાવ્યા. તેમણે કહ્યું, “હું ગેટવે ઓફ ઈન્ડિયાના શહેરથી આધુનિક ભારતના વિકાસના પ્રવેશદ્વાર - ગુજરાતમાં આવ્યો છું. હું ગર્વી ગુજરાતી છું... જ્યારે વિદેશીઓ નવા ભારત વિશે વિચારે છે, ત્યારે તેઓ નવા ગુજરાત વિશે વિચારે છે. આ પરિવર્તન કેવી રીતે થયું? એક નેતાને કારણે, જે આપણા સમયના મહાન વૈશ્વિક નેતા તરીકે ઉભરી આવ્યા છે -વડાપ્રધાન મોદી, ભારતના ઇતિહાસમાં સૌથી સફળ પીએમ.