નવસારી, અમરેલી અને ભાવનગર જિલ્લાઓમાં પવન ફૂંકાવાની અને વરસાદની આગાહી હવામાન વિભાગે કરીને યલો અલર્ટ આપ્યું છે.
પ્રતીકાત્મક તસવીર
અરબી સમુદ્રમાં સર્જાયેલા લો પ્રેશરને પગલે ગુજરાતમાં સુરત, તાપી, વલસાડ, ડાંગ, નવસારી, અમરેલી અને ભાવનગર જિલ્લાઓમાં પવન ફૂંકાવાની અને વરસાદની આગાહી હવામાન વિભાગે કરીને યલો અલર્ટ આપ્યું છે.
હવામાન વિભાગે કરેલી આગાહીને ધ્યાનમાં લઈને ગુજરાતના મુખ્ય પ્રધાન ભૂપેન્દ્ર પટેલે રાજ્યના આ જિલ્લાઓમાં જિલ્લા વહીવટી તંત્રને સતર્ક અને સજાગ રહેવા તેમ જ કન્ટ્રોલ રૂમ કાર્યરત કરવા સૂચનાઓ આપી છે. આજે ૪૦થી ૫૦ કિલોમીટરની ઝડપે પવન ફૂંકાવા સાથે નર્મદા, ભરૂચ, સુરત, ડાંગ, નવસારી, વલસાડ, તાપી, રાજકોટ, જૂનાગઢ, અમરેલી, ભાવનગર, ગીર સોમનાથ, સુરેન્દ્રનગર, જામનગર, પોરબંદર, મોરબી, દ્વારકા, બોટાદ, કચ્છ, બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, અમદાવાદ, પંચમહાલ, દાહોદ, મહીસાગર, વડોદરા, છોટાઉદેપુર જિલ્લામાં વરસાદ પડવાની આગાહી છે. આ ઉપરાંત ચાર દિવસ દરમ્યાન પવન ફૂંકાવા સાથે વરસાદી માહોલ રહેશે.
