છેલ્લાં બે વર્ષમાં ગુજરાતમાંથી ગુમ થયેલાં બાળકો અને મહિલાઓ વિશે કૉન્ગ્રેસના વિધાનસભ્યોએ પ્રશ્નો પૂછ્યા હતા.
પ્રતીકાત્મક તસવીર
મમ્મી-પપ્પાએ આપેલા ઠપકાથી, પ્રેમપ્રકરણ કે અન્ય અગમ્ય કારણોસર બાળકો ઘરેથી જતાં રહે છે જેને કારણે બે વર્ષ દરમ્યાન ગુજરાતના જુદા-જુદા જિલ્લાઓમાંથી ૬૨૪૦ બાળકો ગુમ થયાં હતાં. જોકે એ પૈકીનાં ૫૬૮૭ બાળકો મળી આવ્યાં છે જ્યારે ૫૫૩ બાળકોની શોધખોળ ચાલી રહી છે. બીજી તરફ ૬૭ મહિલાઓ ગુમ હતી જે તમામ મળી આવી છે. છેલ્લાં બે વર્ષમાં ગુજરાતમાંથી ગુમ થયેલાં બાળકો અને મહિલાઓ વિશે કૉન્ગ્રેસના વિધાનસભ્યોએ પ્રશ્નો પૂછ્યા હતા.
ક્યાંથી કેટલાં બાળકો ગુમ?
ADVERTISEMENT
સૌથી વધુ સુરત જિલ્લામાં ૮૪૧ બાળકો ગુમ થયાં હતાં એ પૈકી હવે ૭૬ બાળકો શોધવાનાં બાકી છે. અમદાવાદ જિલ્લામાંથી ૮૦૯ બાળકો ગુમ થયાં હતાં એ પૈકી ૪૧ બાળકો શોધવાનાં બાકી છે. રાજકોટ જિલ્લામાંથી ૪૭૭ બાળકો ગુમ થયાં હતાં એ પૈકી ૩૬ બાળકો શોધવાનાં બાકી છે. વડોદરા જિલ્લામાંથી ૩૫૨ બાળકો ગુમ થયાં હતાં એમાંથી ૧૮ બાળકો શોધવાનાં બાકી છે. સૌથી વધુ અમદાવાદમાંથી ૨૦ અને સુરતમાંથી ૧૫ મહિલાઓ ગુમ થઈ હતી જે મળી આવી છે.
