અમદાવાદમાં શુક્રવારથી શરૂ થયેલા અમદાવાદ ઇન્ટરનૅશનલ ફ્લાવર શોમાં ૨૩ જાતનાં ફૂલોથી બનેલા વિશ્વના સૌથી ઊંચા ૩૦ ફુટના બુકેએ યંગસ્ટર્સ અને મહિલાઓ સહિત સૌકોઈમાં રોમાંચ જગાવ્યો હતો. છ ઝોનમાં વહેંચાયેલા આ ફ્લાવર શોમાં પચાસથી વધારે પ્રજાતિનાં કુલ ૧૦ લાખથી વધુ ફૂલ-છોડ અને એમાંથી બનેલાં ત્રીસથી વધુ શિલ્પો મૂકવામાં આવ્યાં છે. જાતભાતનાં ફૂલો અને છોડમાંથી નિર્મિત દસથી ૨૬ ફુટનાં કૅનપી ક્લસ્ટર, કોણાર્ક ચક્ર, ૨૦ ફુટ ઊંચો માનસ્તંભ, ૩૦ ફુટ ઊંચું બૃહદીશ્વર મંદિર, ગરબા ગાતી યુવતીઓ, ૧૦ ફુટનો વાઘ, ફાઇટિંગ કરતા ૧૫ ફુટ લાંબા બુલ્સ, ૧૫ ફુટ ઊંચું કહારી ઊંટ, ૨૩ ફુટ ઊંચું ગ્રેટર ફ્લૅમિંગો, સિંહ, છોટા ભીમ, ઑલિમ્પિક્સ ૨૦૩૬નું સ્કલ્પ્ચર, ગાંધીજીના ત્રણ વાંદરા પણ જોવા મળે છે.
05 January, 2025 12:21 IST | Ahmedabad | Gujarati Mid-day Online Correspondent
