મૂક-બધિર યુવક સરપંચ તરીકે બિનહરીફ ચૂંટાય એવી સંભાવના

Updated: Feb 12, 2020, 10:02 IST | Madhya Pradesh

મધ્ય પ્રદેશના દનસારી ગામની પંચાયતમાં ૨૭ વર્ષનો એક મૂક-બધિર સરપંચ બનશે. કોઈ મૂક-બધિર યુવક કોઈ પદ માટે ચૂંટાય એવો આ દેશભરનો પ્રથમ કિસ્સો હશે.

૨૭ વર્ષનો મૂક-બધિર લાલુ
૨૭ વર્ષનો મૂક-બધિર લાલુ

મધ્ય પ્રદેશના દનસારી ગામની પંચાયતમાં ૨૭ વર્ષનો એક મૂક-બધિર સરપંચ બનશે. કોઈ મૂક-બધિર યુવક કોઈ પદ માટે ચૂંટાય એવો આ દેશભરનો પ્રથમ કિસ્સો હશે. દનસારી ગામ ઇન્દોરથી ૪૦ કિલોમીટરના અંતરે આવેલું છે અને એની વસ્તી આશરે ૧૦૦૦ લોકોની છે. આ ગામને હાલમાં જ ગ્રામપંચાયતનો હોદ્દો આપવામાં આવ્યો છે.

હાલમાં જ ગઠિત કરવામાં આવેલી દનસારી ગ્રામ પંચાયતમાં સરપંચનું પદ અનુસૂચિત જનજાતિના ઉમેદવાર માટે અનામત રાખવામાં આવ્યું છે, જેને કારણે લાલુની કિસ્મત પલટાઈ ગઈ છે. દનસારી ગામનો ૨૭ વર્ષનો મૂક-બધિર લાલુ અનુસૂચિત જનજાતિનો છે.

આ પણ વાંચો : ચ્યુઇંગ ગમના કચરામાંથી મિનિએચર પેઇન્ટિંગ્સ બનાવે છે આ આર્ટિસ્ટ

ગ્રામપંચાયતની ચૂંટણીનું સમયપત્રક હજી સુધી જાહેર નથી થયું, પરંતુ દનસારી ગામના લોકોને વિશ્વાસ છે કે ગ્રામપંચાયતની ચૂંટણીમાં લાલુ બિનહરિફ ચૂંટાશે, કારણ કે દનસારી ગામમાં લાલુ જ એકમાત્ર અનુસૂચિત જનજાતિનો ઉમેદવાર છે. લાલુ જ્યારે નાનો હતો ત્યારે જ તેનાં માતાપિતા મૃત્યુ પામ્યાં હતાં. ગામની પંચાયતની ચૂંટણીમાં ઝુકાવવા માટે લાલુ પણ ઘણો ઉત્સાહી છે. લાલુ અપરિણીત છે અને ખેતી કરીને ગુજરાન ચલાવે છે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK