તમે માસ્ક લઈને આવો, એની પર આ ભાઈ તમારો ચહેરો પ્રિન્ટ કરી આપશે
માસ્ક પર તમારો ચહેરો પ્રિન્ટ કરી આપશે આ ભાઈ
જ્યારથી માસ્ક પહેરવાનું કમ્પલ્સરી થઈ ગયું છે ત્યારથી જાતજાતના ડિઝાઇનર માસ્ક બનાવનારાઓ ઊમટી પડ્યા છે. જોકે કેરળના કોટ્ટાયમમાં બિનેશ પૌલ નામના એક ફોટોગ્રાફરે તો હદ જ કરી દીધી છે. આ ભાઈએ જે માસ્ક બનાવ્યા છે એમાં તમારા ચહેરાને કુદરતી લુક મળી શકે એમ છે. માસ્ક પહેર્યા પછી કોઈને ઓળખવાનું મુશ્કેલ થઈ જાય છે એ સમસ્યાનો પણ એમાં ઉકેલ છે. બિનેશ પોતે ફોટોગ્રાફર હોવાથી તેણે ફોટોશૉપ અને પ્રિન્ટિંગ ઉપયોગ કરીને માસ્ક પર તમારો ચહેરો પ્રિન્ટ કરવાની ટેક્નિક તૈયાર કરી છે. પહેલાં તમારો ફોટો પાડવામાં આવે અને પછી માસ્ક પર મોંના નીચેના ભાગનું પ્રિન્ટિંગ કરી દેવામાં આવે છે. આ ટેક્નિક જસ્ટ ૬૦ રૂપિયામાં પડે છે.
