° °

આજનું ઇ-પેપર
Sunday, 16 January, 2022


૬ મહિનાના બાળકને બહારનું ખાવાનું કઈ રીતે શરૂ કરાવવું?

26 November, 2021 06:56 PM IST | Mumbai | Dr. Pankaj Parekh

હું ઘણી વસ્તુઓ ટ્રાય કરી ચૂકી છું. તેને અન્ન ખાતાં કેવી રીતે કરું એ જ મને સમજાતું નથી. ખૂબ અઘરું તઈ રહ્યું છે. માર્ગદર્શન આપશો.

પ્રતીકાત્મક તસવીર

પ્રતીકાત્મક તસવીર

મારી દીકરી ૬ મહિનાની થઈ એને ૧૫ દિવસ થઈ ગયા. ધીમે-ધીમે સ્તનપાન સાથે તેનો ખોરાક શરૂ કરવાનો છે, પરંતુ તકલીફ એ છે કે તે ખાતી જ નથી. તેના મોઢામાં જેકાંઈ મૂકો તે બહાર થૂકી નાખે છે. તેને ફક્ત સ્તનપાન જ કરવું છે, બહારનું કાંઈ ખાવું નથી. તેને શું ભાવશે એ જ મને સમજાતું નથી. હું ઘણી વસ્તુઓ ટ્રાય કરી ચૂકી છું. તેને અન્ન ખાતાં કેવી રીતે કરું એ જ મને સમજાતું નથી. ખૂબ અઘરું તઈ રહ્યું છે. માર્ગદર્શન આપશો.  
 
સ્તનપાન કરતા બાળકને ઉપરનો ખોરાક - જેમ કે ભાતનું ઓસામણ, દાળનું પાણી, ખીચડી, ક્રશ કરેલાં શાકભાજી કે ફળ ખાતાં કરવાનું સહેલું નથી, જોકે સમજવું જરૂરી છે કે બાળકને શરૂઆતમાં કંઈ પણ આપશો તો તે નહીં જ ખાય. બાળકને ભાવવા કે નહીં ભાવવા જેવું કશું હોતું જ નથી, કારણ કે હજી તેનો ટેસ્ટ ડેવલપ થયો નથી. એક દિવસ તેણે કશું ન ખાધું તો બીજા દિવસે એ જ સમયે એ જ વસ્તુ તેને આપો. તેને ટેસ્ટ સમજવા માટે પણ સમય જોઈશે. વળી એકસાથે ઘણી બધી વસ્તુની તેને ઓળખ ન કરાવો. જેમ કે આજે આખા દિવસમાં મગનું પાણી, દૂધીનું સૂપ, સફરજનની ચીરી અને ભાતનું ઓસામણ આપ્યું તો અઠવાડિયા સુધી એ જ આપો. બને ત્યાં સુધી સમય પણ નિશ્ચિત રાખો બીજા અઠવાડિયે નવા સ્વાદવાળો ખોરાક આપો. આ ઉમરે બધું ખાતાં શીખવાની આદત પાડશો તો જીવનભર ખાવાને લઈને બાળકને કોઈ પ્રૉબ્લેમ આવશે નહીં.
જ્યારે બાળકને સ્તનપાન કરાવતા હોઈએ ત્યારે બહારનો ખોરાક સ્તનપાન બાદ તરત જ ન આપવો. બાળક ભૂખ્યું થાય પછી જ આપવો. બને તો તેના સમય ફિક્સ કરી નાખો જેનાથી બાળકને સમજાય કે તેને આ સમયે દૂધ નહીં, પરંતુ ખોરાક જ મળશે. માનું દૂધ અને બાકીના પદાર્થો વચ્ચેનો રેશિયો સમજી લેવો જરૂરી છે. દૂધ કેટલું અને ઉપરનો ખોરાક કેટલો એ સમજીએ તો ૬થી ૯ મહિના સુધી ૭૦ ટકા માનું દૂધ અને ૩૦ ટકા ઉપરનો ખોરાક આપવો જોઈએ. ૯ મહિના પછી બાળકને ૫૦ ટકા માનું દૂધ અને ૫૦ ટકા ઉપરનો ખોરાક આપવો. મોટા ભાગે ૧ વર્ષ પછી ઘણી સ્ત્રીઓ પોતાનું દૂધ આપવાનું બંધ કરી દે છે. જો ન કર્યું હોય તો ૧ વર્ષ પછી ૭૦ ટકા ઉપરનો ખોરાક અને ૩૦ ટકા માનું દૂધ આપી શકાય.

26 November, 2021 06:56 PM IST | Mumbai | Dr. Pankaj Parekh

અન્ય લેખો

ફૂડ એન્ડ રેસિપીઝ

રોટલીનો બાંધેલો લોટ ફ્રિજમાં મૂકી રાખો છો?

આજે જાણીએ ઝટપટ કુકિંગ કરવામાં આ પ્રકારની કેવી-કેવી ભૂલો આપણે કરીએ છીએ એ ઘર કા ખાના જેવું હેલ્ધી બીજું કશું જ ન હોઈ શકે, પણ જો ઘરમાં પણ ખાવાનું બનાવવાની રીત હોટેલ જેવી જ હોય તો એનો કોઈ અર્થ નથી

30 November, 2021 04:48 IST | Mumbai | Sejal Patel
ફૂડ એન્ડ રેસિપીઝ

દિવાળીમાં શુગરના કન્ટ્રોલ માટે સ્ટ્રિક્ટ ડાયટ જરૂરી છે?

તહેવાર હોય, ઘરમાં બધા આનંદ કરતા હોય તો વ્યક્તિનું મન થાય જ કંઈક ખાવાનું, પરંતુ મારી તકલીફ એ છે કે નહીંવત્ જેવું ખાવા છતાં તહેવારોમાં શુગર કન્ટ્રોલની બહાર જ જતી રહે છે.

03 November, 2021 02:48 IST | Mumbai | Dr. Meeta Shah
ફૂડ એન્ડ રેસિપીઝ

એક ચમચી પાઉડર = તમારું ભોજન?

યસ, આ મીલ રિપ્લેસમેન્ટ સપ્લિમેન્ટ્સ પાઉડર આજકાલ યુવાનોને બહુ આકર્ષી રહ્યા છે, કેમ કે ૨૦૧૮માં આ સપ્લિમેન્ટનું માર્કેટ ૧૬ અબજ ડૉલર જેટલું હતું જે હવે લગભગ દોઢગણું થવા જઈ રહ્યું છે.

23 July, 2021 12:53 IST | Mumbai | Jigisha Jain

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK