ગરમી આવે એટલે એક તરફ કાચી કેરીની ખાટી-મીઠી અને ચટપટી વાનગીઓ જમવાનું મન થવા લાગે, તો બીજી તરફ પાકી કેરીના રસાળ સ્વાદથી મન આનંદિત થઇ ઊઠે છે. મારું માનવું છે કે દરેક ઋતુ પ્રમાણેનું ફળ તેના આરોગ્યલાભ સાથે જરૂરથી ખાવું જોઈએ. આજે તો સમગ્ર ગુજરાતમાં, અનેક ડાઉનિંગ હોલમાં પરંપરાગત ગુજરાતી થાળીમાં રસ પુરીના કોમ્બોઝ પીરસાય છે અને રેસ્ટોરન્ટ થી લઇ ફાઈવસ્ટાર હોટેલ્સમાં સર્વત્ર કેરી આધારિત નવિનતમ વાનગીઓની જમાવટ છે. જેમાં કાચી કેરીથી બનેલી ચટણી, હોય કે આમ પન્ના, કાચી કેરી પ્લેટર્સ હોય કે મેગો ચાટ, મેંગો દહીંવડા, મંગો હલવો, કોર્ન મેંગો સલાડ, મેંગો શ્રીખંડ, મેંગો સ્મુધી જેવી અનેક વાનગીઓનો સમાવેશ થાય છે. આ ઉપરાંત ઘણી જગ્યા પર કેરીને કેન્દ્રમાં રાખી મેંગો ફેસ્ટિવલ્સ પણ યોજાય છે, જ્યાં આપણા ગુજરાતી સ્વાદરસિકો કેરીના જાતજાતના સ્વાદ માણવા ઉમટી પડે છે.
ગુજરાતમાં રેસ્ટોરન્ટ્સ અને સ્ટ્રીટ ફુડ વિશે લખનારાઓમાં પૂજા સાંગાણીનું નામ જાણીતું છે. મિડ-ડે અખબારમાં લગલગાટ બે વર્ષ સુધી ખાઇ પીને મોજ નામની કોલમથી તેઓએ ગુજરાતી ફુડને સ્વાદ રસિયાઓ સમક્ષ રજૂ કર્યું ત્યારે હવે તેઓ ડિજિટલી સ્વાદની "જ્યાફત" આપણી સાથે શૅર કરશે. ફૂડી પૂજા ગાંધીનગરમાં જન્મ્યાં અને વડોદરામાં ઉછર્યાં. અંગ્રેજી સાહિત્યમાં માર્સ્ટર્સ કરનારા પૂજા ગુજરાતી અને અંગ્રેજી બંન્ને ભાષામાં કોન્ટેન્ટ રાઇટિંગ કરતાં આવ્યા છે. તે ફૂડ રાઇટર જ નહીં પણ ફૂડ બ્લોગર પણ છે અને સોશ્યલ મીડિયા સ્ટ્રેટેજિસ્ટ તરીકે પણ કામ કરે છે. ફૂડ બ્લોગર, ફૂડ લેખિકા અને સોશિયલ મીડિયા સ્ટ્રેટેજિસ્ટ તરીકે પોતાના અનુભવનો લોકોને લાભ આપે છે. તેઓ સોશ્યલ મીડિયા પર પણ પોતાના લખાણો મુકે છે તથા તેમના કામને પગલે બે એવોર્ડ પણ તેઓ મેળવી ચૂક્યાં છે. નવા રેસ્ટરન્ટ્સ ખૂલે કે કોઇ નવો ફૂડ ટ્રેન્ડ હોય તે અચૂક ત્યાં પહોંચે અને સ્વાદ રસિકોને માર્ગદર્શન પણ આપતા રહે છે. ચાલો માણીએ જ્યાફત. (તસવીરો : પૂજા સાંગાણી)
26 April, 2025 07:00 IST | Ahmedabad | Gujarati Mid-day Online Correspondent
