ક્લિક કરીને વાંચો… શું કહે છે તમારું અઠવાડિક રાશિ ભવિષ્ય
પ્રતીકાત્મક ફાઈલ તસવીર
જો આ અઠવાડિયે તમારો જન્મદિવસ છે
તમારી પાસેથી શું અપેક્ષા રાખવામાં આવે છે એના બદલે આંતરિક દૃષ્ટિકોણથી શું યોગ્ય લાગે છે એના આધારે નિર્ણયો લો. શક્ય એટલું બીજાઓને મદદ કરવાનો પ્રયાસ કરો અને યાદ રાખો કે સારાં કર્મનાં ફળ સારાં મળે છે. જે લોકો લાઇફસ્ટાઇલમાં કોઈ પણ ફેરફાર કરવા માગે છે તેમણે એના માટે ખૂબ જ કમિટેડ રહેવું પડશે.
સ્પાઉસ તરીકે લિયો
લિયો રાશિ સાથે રોમૅન્ટિક અને ઉત્સાહી લગ્નજીવન એક સાહસ છે. તેઓ જેને પ્રેમ કરે છે તેની સાથે ઉદાર હોય છે અને પરિવારને ટેકો મળે એ સુનિશ્ચિત કરવા માટે સખત મહેનત કરે છે. જોકે તેઓ થોડી બૉસગીરી કરે છે અને માલિકીભાવ બતાવી શકે છે. લિયો રાશિના જાતકોને કોઈ પ્રશ્નો પૂછે તો ગમતું નથી અને આના કારણે તેમને કેટલીક મુશ્કેલીઓનો સામનો કરવો પડી શકે છે.
ADVERTISEMENT
એરીઝ
૨૧ માર્ચથી ૨૦ એપ્રિલ
મજબૂત પાયો બનાવવા પર ધ્યાન કેન્દ્રિત કરો અને જરૂર લાગે ત્યારે કાર્ય કરવા તૈયાર રહો. તમે જે પરિવર્તન અનુભવો છો એનું પરિણામ આખરે સારું જ આવશે.
રિલેશનશિપ ટિપ: જેઓ બાળક ઇચ્છે છે તેમના માટે આ પૉઝિટિવ સમય છે. સિંગલ લોકો કોઈ પણ કમિટમેન્ટમાં પડવાને બદલે આકસ્મિક રીતે ડેટ કરવાનું પસંદ કરી શકે છે.
ટૉરસ
૨૧ એપ્રિલથી ૨૦ મે
એક અલગ અભિગમની જરૂર પડી શકે છે અને આ માટે તમારે તમારા કમ્ફર્ટ ઝોનમાંથી બહાર નીકળવાની જરૂર પડશે. બિનજરૂરી જટિલ પરિસ્થિતિમાં પડવાનું ટાળો.
રિલેશનશિપ ટિપ: જે સદા ફરિયાદ કરતા હોય એવા મિત્રોના બદલે સુખદ સંગત ધરાવતા મિત્રો સાથે સમય વિતાવો. જેઓ કમિટેડ રિલેશનશિપમાં છે તેઓ કદાચ એને આગલા સ્તર પર લઈ જવા માગશે.
જેમિની
૨૧ મેથી ૨૧ જૂન
કામ પર કોઈ પણ મુશ્કેલ બૉસ અથવા સિનિયર્સ સાથે વ્યાવસાયિક છતાં સુખદ રીતે વ્યવહાર કરો. તમારાં લક્ષ્યો પર ધ્યાન કેન્દ્રિત કરો અને સમય બગાડો નહીં.
રિલેશનશિપ ટિપ: લગ્ન બાદ લાંબા અંતરે રહેતા લોકો અથવા રિલેશનશિપમાં રહેલા લોકોએ કનેક્ટેડ રહેવા માટે થોડો વધારાનો પ્રયાસ કરવો પડશે. સિંગલ લોકોએ એવા કોઈની સાથે સમય બગાડવો ન જોઈએ જે તેમને ખરેખર પસંદ નથી.
કૅન્સર
૨૨ જૂનથી ૨૩ જુલાઈ
અતિશયોક્તિ કર્યા વિના તમારા સ્વાસ્થ્યનું થોડું વધારે ધ્યાન રાખો. કોઈ પણ કાનૂની પરિસ્થિતિને તાત્કાલિક સંભાળો અને ખાતરી કરો કે તમારી પાસે જરૂરી બધા દસ્તાવેજો છે.
રિલેશનશિપ ટિપ: કોઈ પણ દલીલ દરમિયાન તમે શું કહો છો એ વિશે ધ્યાન રાખો. ઑનલાઇન જીવનસાથી શોધી રહેલા સિંગલ લોકોએ તેઓ જે કોઈને મળે છે તેની સાથે વધુપડતું જોડાણ કરતાં પહેલાં બૅકગ્રાઉન્ડ ચકાસવું જોઈએ.
લિયો
૨૪ જુલાઈથી ૨૩ ઑગસ્ટ
કોઈ પણ પડકારનો ઉકેલ હોય છે અને તમારે જૂના વિચારો અને વર્તનમાં અટવાઈ જવું ન જોઈએ. જો તમારે ચુસ્ત સમયમર્યાદામાં ઘણુંબધું કરવાનું હોય તો ટાઇમ-મૅનેજમેન્ટની જરૂર પડશે.
રિલેશનશિપ ટિપ: જે લોકોને રિલેશનશિપમાં કોઈ મુશ્કેલીમાં હોય તો તેમણે સારી રીતે વિચારીને નિર્ણય લેવો જોઈએ. તમારી સાથે રહેતા લોકો પર ધ્યાન આપો.
વર્ગો
૨૪ ઑગસ્ટથી ૨૩ સપ્ટેમ્બર
તમારા અંગત અને પ્રોફેશનલ જીવનને સંતુલિત કરવું એક પડકાર હોઈ શકે છે અને તમારે શું જોઈએ છે એ વિશે ખૂબ જ સ્પષ્ટ હોવું જરૂરી છે. કોઈ પણ મહત્ત્વપૂર્ણ નિર્ણય લેતાં પહેલાં ઉપલબ્ધ બધા વિકલ્પો વિશે વિચારી જુઓ.
રિલેશનશિપ ટિપ: કોઈ પણ મહત્ત્વપૂર્ણ વાતચીત દરમિયાન સ્પષ્ટ અને ફોકસ્ડ રહો અને તમારી લાગણીઓને તમારા પર હાવી થવા ન દેશો. શક્ય હોય ત્યાં સુધી જટિલ લોકોથી દૂર રહો.
લિબ્રા
૨૪ સપ્ટેમ્બરથી ૨૨ ઑક્ટોબર
જો તમને લાગે કે ભવિષ્યમાં તમારે કોઈ પડકારનો સામનો કરવો પડશે તો સ્પષ્ટતા સાથે આગળનું આયોજન કરો. પોતાનો બિઝનેસ ધરાવતા લોકોએ તેમના ગ્રાહકોની પસંદગી બાબતે મૂલ્યાંકન કરવાની જરૂર છે.
રિલેશનશિપ ટિપ: જો તમે એને યોગ્ય રીતે હૅન્ડલ નહીં કરો તો નાની સમસ્યાઓ વિકરાળ સ્વરૂપ લઈ શકે છે. તમારા પરિવારમાં કોઈ વૃદ્ધ વ્યક્તિને થોડી વધારાની મદદની જરૂર પડી શકે છે.
સ્કૉર્પિયો
૨૩ ઑક્ટોબરથી ૨૨ નવેમ્બર
સખત મહેનત પરિણામ લાવશે, પરંતુ તમારે સમજદારીપૂર્વક કામ કરવાની પણ જરૂર છે. જો તમારું બજેટ ઓછું હોય તો તમારે તમારા ખર્ચમાં ધ્યાન રાખવાની જરૂર છે.
રિલેશનશિપ ટિપ: કોઈ પણ અપેક્ષા રાખ્યા વિના તમારી કાળજી બતાવવા માટે નાનાં કાર્યો કરો. તમારા વિશ્વાસુ મિત્રની સલાહ અમૂલ્ય રહેશે ભલે એ મુશ્કેલ હોય.
સૅજિટેરિયસ
૨૩ નવેમ્બરથી ૨૨ ડિસેમ્બર
નોકરી બદલવા માગતા લોકોએ પોતાની ઇચ્છા વિશે ખૂબ જ સ્પષ્ટ રહેવું જોઈએ. નિયમિત આધ્યાત્મિક સાધના કરનારાઓ માટે આ ખૂબ જ સકારાત્મક સમય છે.
રિલેશનશિપ ટિપ: એવા લોકોને છોડી દો જે હવે તમારી સાથે સુસંગત નથી. લાંબા અંતરનાં લગ્ન કે રિલેશનશિપમાં રહેલા લોકો કોઈને મળવાની યોજના બનાવી શકે છે.
કૅપ્રિકોર્ન
૨૩ ડિસેમ્બરથી ૨૦ જાન્યુઆરી
તમને સાંભળવી ગમે નહીં એવી મિત્રની સલાહ પર ધ્યાન આપો. કોઈ પણ નવો આઇડિયા સારો હોઈ શકે છે, પરંતુ એના માટે તમારે સખત મહેનત કરવી પડશે.
રિલેશનશિપ ટિપ: કાળજીપૂર્વક વિચારો અને આવેગજન્ય રીતે પ્રતિક્રિયા ન આપો. સિંગલ લોકો સકારાત્મક તબક્કામાં હોય છે અને તેઓ જે શોધી રહ્યા છે એનું પુનર્મૂલ્યાંકન કરવા માગે છે.
ઍક્વેરિયસ
૨૧ જાન્યુઆરીથી ૧૯ ફેબ્રુઆરી
તમારી નાણાકીય બાબતો પર ધ્યાન આપો અને રોકાણો તેમ જ તમે કરવા માગતા હો એ કોઈ પણ મોટી ખરીદી વિશે જાણકાર નિર્ણયો લો. જેમને માથાનો દુખાવો થતો હોય છે એવા લોકોએ પોતાની જાતની થોડી વધુ કાળજી લેવાની જરૂર છે.
રિલેશનશિપ ટિપ: જેઓ તેમની રિલેશનશિપ અથવા લગ્નમાં પડકારનો સામનો કરી રહ્યા છે તેમણે સારી રીતે વિચારીને નિર્ણયો લેવાના રહેશે. બોલતાં પહેલાં વિચારજો.
પાઇસિસ
૨૦ ફેબ્રુઆરીથી ૨૦ માર્ચ
કોઈ પણ પડકાર ટેમ્પરરી હોવા જોઈએ અને તેમને સંભાળતી વખતે તમારે સ્પષ્ટ મન રાખવાની જરૂર છે. પોતાનો બિઝનેસ ધરાવતા લોકો માટે આ એક સકારાત્મક સમય છે.
રિલેશનશિપ ટિપ: સમય ખૂબ જ મહત્ત્વપૂર્ણ છે અને તેથી જ્યારે જરૂર હોય ત્યારે તમારે મનની વાત કરવી જોઈએ. જ્યારે તમને ખાતરી થઈ જાય કે તમે શું ઇચ્છો છો ત્યારે જ કોઈ પણ કમિટમેન્ટ કરો.
