Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


Food fun and filmstar Food fun and filmstar
હોમ > લાઇફસ્ટાઈલ સમાચાર > એસ્ટ્રોલૉજી > આર્ટિકલ્સ > જીવન-મૃત્યુ વિધિના હાથમાં, પણ જીવન તમારા હાથમાં

જીવન-મૃત્યુ વિધિના હાથમાં, પણ જીવન તમારા હાથમાં

14 September, 2023 02:55 PM IST | Mumbai
Morari Bapu

પ્રભુને ગમતા હોય એ ફોલાદી જ હશે. બહુ મજબૂત જ હશે. કોઈ પણ ઘટના એને હલાવી નહીં શકે. અંદરથી બેસી ગયો હશે, ઉપરની આંખ કોઈ અવાજ કરે તો પણ ખૂલી જશે, પણ ભીતરની આંખો સદા બંધ જ રાખે છે.

પ્રતીકાત્મક તસવીર

માનસ ધર્મ

પ્રતીકાત્મક તસવીર


કેવા લોકો પ્રભુને ગમે?


હા, આ પ્રશ્ન બહુ અગત્યનો છે કે કેવા લોકો પ્રભુને ગમે અને એ માટે પરમાત્માનો લાડલો હોય, ભગવાનને પ્રિય હોય એ વ્યક્તિમાં કયાં-કયાં લક્ષણો હોય એ જોવાનું અને એ લક્ષણોને સમજવાનું રહે. છે કેટલાંક એવાં લક્ષણો જેકોઈ ધરાવતું હોય તો એ પ્રભુને બહુ ગમે.



એ લક્ષણોમાં સૌથી પહેલાં આવે છે પ્રમોદી.


પ્રભુને પ્રિય હોય એ પ્રમોદી હોય છે, આનંદી હોય છે. આનંદ એનું સ્વરૂપ છે, એ વ્યક્ત થઈ જ જાય છે. અવ્યક્ત સ્વરૂપમાં તો બધા છે જ, પણ વ્યક્ત થઈ જાય છે તો એ છે ફક્ત આનંદ. આનંદ જેનું સ્વરૂપ છે એ પ્રમોદી હોય છે અને ભગવાનને એવો સ્વભાવ બહુ ગમે છે.

બીજા નંબરે છે વિનોદી.


પ્રભુને લાડકા હોય છે એ વિનોદી હોય છે. બાળકો, મોટેરા બધા સાથે એ વિનોદી રહે, બધાને હસી-બોલીને ખુશ કરે. બધાને આનંદ આપે, બધાની સાથે વિનોદ કરે એ વ્યક્તિ પ્રભુને પણ વહાલી હોય છે.

ત્રીજા નંબરે છે સંવાદી.

હા, સંવાદી અને જે સંવાદી હશે એ વિવાદી નહીં હોય, વિગ્રહવાદી પણ નહીં, કારણ કે એ સંવાદી છે. બધાની સાથે સુમેળ રહે, પ્રેમભર્યા સંબંધ સાથેનું સમરસ વર્તન હશે એ સંવાદી હોય. આવા લોકો જ ઈશ્વરને પ્રિય છે. જેને વિવાદ અને વિગ્રહવાદમાં રચ્યાપચ્યા રહેવું હોય તેનાથી આપણે પણ અંતર રાખતા હોઈએ તો પછી પ્રભુ તો અંતર જાળવવાની કાળજી રાખે જ રાખે.

એ પછી આવે છે ફોલાદી.

ખૂબ મહત્ત્વનું લક્ષણ છે આ એટલું પહેલાં જ કહી દઉં. પ્રભુને ગમતા હોય એ ફોલાદી જ હશે. બહુ મજબૂત જ હશે. કોઈ પણ ઘટના એને હલાવી નહીં શકે. અંદરથી બેસી ગયો હશે, ઉપરની આંખ કોઈ અવાજ કરે તો પણ ખૂલી જશે, પણ ભીતરની આંખો સદા બંધ જ રાખે છે. શરીરના પગ બીજાને ખાતર દોડવા મજબૂર થઈ જશે અને એ દોડી જશે, પણ ભીતરનાં ચરણો બિલકુલ શાંત હોય છે. વિરામ લેતાં પહેલાં કહેવાનું કે ક્યારેય ભૂલતા નહીં, જીવન અને મૃત્યુ વિધિને હાથ છે, પણ જીવન એ માણસના પોતાના હાથની વસ્તુ છે.

 

(આ લેખોમાં રજૂ થયેલાં મંતવ્યો લેખકનાં અંગત છે, ન્યુઝપેપરનાં નહીં.)

Whatsapp-channel Whatsapp-channel

14 September, 2023 02:55 PM IST | Mumbai | Morari Bapu

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK