અલગ-અલગ ભાષામાં કામ કરવા માટે હું પોતાને લકી માનું છું: અનન્યા પાન્ડે

Published: 18th February, 2021 13:19 IST | Gujarati Mid-day Correspondent | Mumbai

બૉલીવુડમાં ‘સ્ટુડન્ટ ઑફ ધ યર 2’ દ્વારા કરીઅરની શરૂઆત કરનાર અનન્યા હવે વિજય દેવરાકોન્ડા સાથે પૅન ઇન્ડિયા ફિલ્મ ‘લાઇગર’માં કામ કરી રહી છે

અનન્યા પાન્ડે
અનન્યા પાન્ડે

અનન્યા પાન્ડેનું કહેવું છે કે તે અલગ-અલગ ભાષામાં કામ કરી શકતી હોવાથી પોતાની જાતને ખૂબ જ નસીબદાર માને છે. બૉલીવુડમાં ‘સ્ટુડન્ટ ઑફ ધ યર 2’ દ્વારા કરીઅરની શરૂઆત કરનાર અનન્યા હવે વિજય દેવરાકોન્ડા સાથે પૅન ઇન્ડિયા ફિલ્મ ‘લાઇગર’માં કામ કરી રહી છે. આ ફિલ્મ દ્વારા અન્નયા અન્ય ચાર ઇન્ડસ્ટ્રીમાં એટલે કે સાઉથમાં એન્ટ્રી કરી રહી છે. આ ફિલ્મને હિન્દીની સાથે તામિલ, તેલુગુ, કન્નડ અને મલયાલમમાં પણ રિલીઝ કરવામાં આવશે. આ વિશે પૂછતાં અનન્યાએ કહ્યું હતું કે ‘મેં બે વર્ષ પહેલાં હિન્દી ફિલ્મ ઇન્ડસ્ટ્રીમાં એન્ટ્રી કરી હતી. હવે હું આ ફિલ્મ દ્વારા ચાર ઇન્ડસ્ટ્રીમાં એન્ટ્રી કરી રહી છું. હું પહેલાં કરતાં ચારગણી નર્વસ અને એક્સાઇટેડ છું. મને લાગે છે અચાનક દુનિયા ખૂબ જ નાની થઈ ગઈ છે. ઇન્ડિયામાં ઘણાંબધાં કલ્ચર છે અને દરેક વ્યક્તિ ખૂબ જ પ્રેમ આપે છે. ઘણીબધી અલગ-અલગ ભાષાઓ છે અને આજે ઑનલાઇન પ્લૅટફૉર્મને કારણે તમામ મર્યાદાઓ દૂર થઈ ગઈ છે. અલગ-અલગ ભાષામાં કામ કરી લોકો સુધી પહોંચવા માટે હું પોતાને નસીબદાર માનું છું. આ ફિલ્મ માટે હું ખૂબ જ ઉત્સાહિત છું.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK