શ્રીનગરમાં શાહરુખ ખાનની પ્રેસ-કૉન્ફરન્સમાં ધમાચકડી

Published: 7th September, 2012 02:37 IST

બૉલીવુડ સુપરસ્ટાર શાહરુખ ખાન તેની નવી ફિલ્મનું શૂટિંગ જમ્મુ-કાશ્મીરમાં કરી રહ્યો છે. યશ ચોપડા દ્વારા નિર્દેશિત આ ફિલ્મનું નવ દિવસ સુધી શૂટિંગ કર્યા બાદ ગઈ કાલે તેણે શ્રીનગરમાં એક પ્રેસ-કૉન્ફરન્સ બોલાવી હતી, જેમાં પત્રકારો સાથે શાહરુખના ફૅન્સ પણ મોટી સંખ્યામાં આવી ગયા હતા. આ પ્રેસ-કૉન્ફરન્સમાં પત્રકારો અને શાહરુખના ચાહકો બાખડી પડ્યા હતા.

શાહરુખે પહેલાં તો ૧૫ મિનિટ મોડા પડવા બદલ માફી માગી હતી. એ પછી તેણે જર્નલિસ્ટોના સવાલોના જવાબ આપવાનું શરૂ કર્યું હતું. જોકે પત્રકારોએ સવાલોનો મારો કરતાં શાહરુખ બે ઘડી ડઘાઈ ગયો હતો. એ પછી શાહરુખની એક મહિલાચાહકે પત્રકારોને ઠપકો આપતાં તેની અને પત્રકારો વચ્ચે બબાલ શરૂ થઈ ગઈ હતી. ખુદ શાહરુખે શત્રુઘ્ન સિંહાની સ્ટાઇલમાં ‘ખામોશ’ કહીને લોકોને શાંત પાડવાનો પ્રયાસ કર્યો હતો એટલું જ નહીં, તેણે ઊભા થઈને ફોટોગ્રાફરો અને પોતાના ચાહકોને બેસી જવા વિનંતી કરી હતી.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK