પત્રકાર પોપટલાલની સાથે મળીને જેઠાલાલ કાળાબજારીનો ભાંડો ફોડવા નીકળે છે એટલે તેણે લુક પણ ચેન્જ કર્યો છે
જેઠાલાલ
સબ ટીવીના શો ‘તારક મેહતા કા ઉલ્ટા ચશ્મા’માં અત્યારે ડૉ. હાથીના કિડનૅપ પછી પત્રકાર પોપટલાલ જે મિશન પર નીકળ્યા હતા એ કાળાબજારીને ખુલ્લી કરવાના ઑપરેશનમાં રોક લાગે છે, પણ પોપટલાલ હાર માનવાને બદલે જેઠાલાલને હેલ્પ માટે બોલાવે છે અને જેઠાલાલ પણ હેલ્પ માટે રાજી થઈને રિસૉર્ટમાં પહોંચે છે.
જેઠાલાલ પોપટલાલ સાથે હાથ મિલાવીને તેના ઑપરેશનમાં જોડાય છે અને તેને માટે તેણે ગેટઅપ બદલાવવાનો વારો આવે છે. જેઠાલાલે ગેટઅપ ઇન્ટરેસ્ટિંગ કર્યો છે. ૧૯૬૦ના દસકામાં જે પ્રકારે વેશપલટો કરવા માટે વાંકડિયા વાળ રાખવામાં આવતા હતા, જેઠાલાલે એવી વિગ પહેરી છે અને ૬૦ના દસકામાં વિલન રાખતા એવી જ મૂછ પણ રાખી છે. જેઠાલાલનો આ ગેટઅપ ઇન્ટરેસ્ટિંગ છે અને એ ગેટઅપ તેણે પોતે તૈયાર કર્યો છે.
