વિકી કૌશલ છેલ્લે ફિલ્મ ‘છાવા’માં જોવા મળ્યો હતો. આ ફિલ્મ માટે તેણે શાનદાર બૉડી-ટ્રાન્સફૉર્મેશન કર્યું હતું. હવે વિકી પોતાની આગામી ફિલ્મ ‘મહાવતાર’ માટે જબરદસ્ત ફિઝિકલ ટ્રાન્સફૉર્મેશન કરવા જઈ રહ્યો છે.
મહાવતાર માટે વિકી કૌશલ વધારશે પચીસ કિલો જેટલું વજન
વિકી કૌશલ છેલ્લે ફિલ્મ ‘છાવા’માં જોવા મળ્યો હતો. આ ફિલ્મ માટે તેણે શાનદાર બૉડી-ટ્રાન્સફૉર્મેશન કર્યું હતું. હવે વિકી પોતાની આગામી ફિલ્મ ‘મહાવતાર’ માટે જબરદસ્ત ફિઝિકલ ટ્રાન્સફૉર્મેશન કરવા જઈ રહ્યો છે. વિકી ટૂંક સમયમાં માઇથોલૉજિકલ-હિસ્ટોરિકલ ડ્રામા ફિલ્મ ‘મહાવતાર’માં જોવા મળશે અને રિપોર્ટ પ્રમાણે તે આ ફિલ્મ માટે પોતાનું વજન પચીસ કિલો જેટલું વધારશે, જેથી તે પોતાના પાત્રમાં સંપૂર્ણ રીતે ઢળી શકે. તે સપ્ટેમ્બર મહિનાથી સેલિબ્રિટી ફિટનેસ કોચ તેજસ લાલવાણી સાથે આ માટે ખાસ ટ્રેઇનિંગ શરૂ કરશે અને ફિલ્મનું શૂટિંગ આ વર્ષે ડિસેમ્બરમાં શરૂ થવાની શક્યતા છે.
ડિરેક્ટર અમર કૌશિકની ‘મહાવતાર’માં વિકી ભગવાન પરશુરામનું પાત્ર ભજવશે અને આ ફિલ્મ આવતા વર્ષના અંતમાં કે પછી ૨૦૨૮ની શરૂઆતમાં રિલીઝ કરવાનું પ્લાનિંગ છે.
