સુશાંત સિંહ રાજપૂતના જન્મદિવસ પર અભિનેેત્રી સારા અલી ખાને અભિનેતાને ગમતું કામ કરીને તે દિવસની ખાસ ઉજવણી કરી. અભિનેત્રીએ સોશિયલ મીડિયા પર શેર કરેલો વીડિયો જોઈ તમે પણ ભાવુક થઈ જશો.
સુશાંત સિંહ અને સારા અલી ખાન
બૉલિવૂડ એક્ટ્રેસ સારા અલી ખાન(Sara Ali Khan)એ તેના કો-એક્ટર સ્વર્ગસ્થ એક્ટર સુશાંત સિંહ રાજપૂતની જન્મજયંતિ (Sushant Singh Rajput Birthday)ખૂબ જ ખાસ રીતે સેલિબ્રેટ કરી છે. સારા અલી ખાને સોશિયલ મીડિયા પર એક વીડિયો શેર કર્યો છે જેમાં તે નાના બાળકોથી ઘેરાયેલી જોવા મળી રહી છે. સારાએ આ વીડિયો સાથે એક ઈમોશનલ પોસ્ટ પણ શેર કરી છે. સારા અલી ખાન અને સુશાંત સિંહ રાજપૂત વચ્ચે ખૂબ જ સારી મિત્રતા હતી. સારાએ વર્ષ 2018માં ફિલ્મ `કેદારનાથ`થી બોલિવૂડમાં ડેબ્યૂ કર્યું હતું. આ ફિલ્મમાં સારા સાથે સુશાંત સિંહ રાજપૂતે મુખ્ય ભૂમિકા ભજવી હતી. બંનેની આ ફિલ્મ સુપરહિટ સાબિત થઈ હતી.
સારા ઘણીવાર સુશાંતને યાદ કરે છે અને તેની સાથે તસવીરો અને વીડિયો શેર કરે છે. 21 જાન્યુઆરીએ સુશાંત સિંહ રાજપૂતના જન્મદિવસના અવસર પર, સારા અલી ખાને તેનો દિવસ જરૂરિયાતમંદ બાળકો સાથે વિતાવ્યો અને કેક પણ કાપી. વીડિયોમાં સારા અલી ખાન કેક કાપી રહી છે અને તેની પાસે ઉભેલા બાળકો સુશાંત સિંહ રાજપૂત માટે હેપ્પી બર્થ ડે ગીત ગાઈ રહ્યા છે. આ વિડિયો સાથેની પોસ્ટમાં સારા અલી ખાને લખ્યું, `હું જાણું છું કે અન્ય લોકોનું સ્મિત તમારા માટે કેટલું મહત્વનું છે અને મને આશા છે કે અમે તમને આજે ખુશ રહેવાનો મોકો આપ્યો છે.`
ADVERTISEMENT
View this post on Instagram
આ પણ વાંચો: સુશાંત સિંહના બર્થડે પર બહેન થઈ ભાવુક, કહ્યું- તે ઘણાં સુશાંતને જન્મ આપ્યો છે
સારા અલી ખાનનો આ વીડિયો જોઈને ફેન્સ ઈમોશનલ થઈ રહ્યા છે અને કોમેન્ટ કરીને સારાના કામના વખાણ કરી રહ્યા છે. સુશાંત સિંહ રાજપૂતને યાદ કરીને તેની બહેન શ્વેતા સિંહ કીર્તિએ પણ એક ઈમોશનલ પોસ્ટ લખી છે. શ્વેતા સિંહ કીર્તિએ પણ આ પોસ્ટ સાથે સુશાંતની એક અદ્રશ્ય તસવીર શેર કરી છે. જણાવી દઈએ કે સુશાંત સિંહ રાજપૂત 14 જૂન 2020ના રોજ તેના બેડરૂમમાં લટકતી હાલતમાં મળી આવ્યો હતો. સુશાંતના મોતના આ કેસની તપાસ સીબીઆઈના હાથમાં છે. પટનાના રહેવાસી સુશાંત સિંહ રાજપૂતે ટીવીની દુનિયામાં પોતાના કરિયરની શરૂઆત કરી હતી, ત્યાર બાદ તેણે ફિલ્મ `કાઈ પો છે` થી બૉલિવૂડમાં ધમાલ મચાવી હતી.
![Join Whatsapp Channel Whatsapp-channel](https://www.gujaratimidday.com/assets/images/whatsapp-desk-modified.png)
![Join Whatsapp Channel Whatsapp-channel](https://www.gujaratimidday.com/assets/images/whatsapp-mobile.png)