The Bengal Files Review: વિવેક અગ્નિહોત્રીની ફિલ્મમાં મહાત્મા ગાંધીની ભૂમિકા ભજવી રહ્યાં છે અનુપમ ખેર; દર્શકો અને ટીમ સાથે ફિલ્મ જોયા પછી અભિનેતાએ આપ્યો રિવ્યુ
`ધ બેંગાલ ફાઇલ્સ`માં અનુપમ ખેર
પીઢ અભિનેતા અનુપમ ખેર (Anupam Kher) તાજેતરમાં જ ફિલ્મ `ધ બેંગાલ ફાઇલ્સ` (The Bengal Files)માં દેખાયા છે. આ ફિલ્મનું દિગ્દર્શન વિવેક અગ્નિહોત્રી (Vivek Agnihotri)એ કર્યું છે અને છેલ્લા કેટલાક દિવસોથી આ ફિલ્મ સમાચારમાં છે. અનુપમ ખેરે થિયેટરમાં ફિલ્મ જોયા પછી લોકોની પ્રતિક્રિયા (The Bengal Files Review) વિશે જણાવ્યું છે અને ફિલ્મ જોયા પછી તેમને કેવું લાગ્યું તે પણ કહ્યું છે.
વિવેક અગ્નિહોત્રીની ફિલ્મ `ધ બેંગાલ ફાઇલ્સ`માં અનુપમ ખેર મુખ્ય ભૂમિકા ભજવે છે. તેઓ ફિલ્મમાં મહાત્મા ગાંધીનું પાત્ર ભજવી રહ્યા છે. જોકે, તેમણે મંગળવારે દર્શકો, ફિલ્મના કલાકારો અને ક્રૂ સાથે ફિલ્મ જોઈ. પછી અભિનેતાએ સોશ્યલ મીડિયા (Social Media) પ્લેટફોર્મ એક્સ (x) પર ફિલ્મની સમીક્ષા કરી છે.
ADVERTISEMENT
અનુપમ ખેરે ટ્વીટ કર્યું છે કે, ‘વિવેક અગ્નિહોત્રીની ફિલ્મ “ધ બેંગાલ ફાઇલ્સ” જોઈ અને થિયેટરો ૮૦ ટકા ભરાઈ ગયા હતા. ફિલ્મ ખૂબ જ આઘાતજનક, દુઃખદ અને ભાવનાત્મક છે, પરંતુ કેટલીક જગ્યાએ તે જડ પણ છે. દર્શકોમાં ઘણી લાગણીઓ જોવા મળી. ઘણી જગ્યાએ લોકો રડી રહ્યા હતા. ફિલ્મના બધા વિભાગો એ ગ્રેડ, અભિનય, સિન્સ, સિનેમેટોગ્રાફી, પ્લેબૅક મ્યુઝિક, કોસ્ચ્યુમ છે. પરંતુ જેમ બધા કહે છે તેમ, આ જહાજનો કેપ્ટન વિવેક અગ્નિહોત્રી છે. શાનદાર, જાઓ અને તેને જુઓ. આવા સિનેમા પણ મહત્વપૂર્ણ છે. ભૂતકાળ વિશે વાત કરીને, આપણે આપણા વર્તમાનને સાજા કરી શકીએ છીએ અને ભવિષ્ય માટે કંઈક શીખી શકીએ છીએ.’
Watched @vivekagnihotri’s #TheBengalFiles in a 80% theatre full of people of all ages! The film is Shocking, Saddening, emotionally Disturbing and at places Numbing too. Audiences were going through a sea of emotions. At places crying for the people who lost everything in those… pic.twitter.com/RGkpHwwKdC
— Anupam Kher (@AnupamPKher) September 9, 2025
તમને જણાવી દઈએ કે, `ધ બેંગાલ ફાઇલ્સ` ૫ સપ્ટેમ્બરના રોજ દેશભરમાં રિલીઝ થઈ હતી, પરંતુ પશ્ચિમ બંગાળ (West Bengal)ના થિયેટર માલિકોએ ફિલ્મ રિલીઝ કરવાનો ઇનકાર કરી દીધો છે. વિવેક અગ્નિહોત્રી અને પલ્લવી જોશી (Pallavi Joshi)એ બંગાળના મુખ્યમંત્રીને ફિલ્મ રિલીઝ કરવા વિનંતી કરી હતી અને ફિલ્મને કેમ રોકવામાં આવી રહી છે તે અંગે ખુલ્લો સંદેશ પણ મોકલ્યો હતો. પરંતુ તેમ છતાં ફિલ્મ રિલીઝ થઈ ન હતી.
ફિલ્મ `ધ બેંગાલ ફાઇલ્સ`ના બોક્સ ઓફિસ કલેક્શન વિશે વાત કરીએ તો, સિક્નિકના અહેવાલ મુજબ, ફિલ્મે ૭.૯૦ કરોડ રુપિયાની કમાણી કરી છે.
આ ફિલ્મની સ્ટોરીની વાત કરીએ તો. પશ્ચિમ બંગાળના હિંસક રાજકીય ભૂતકાળની લોહીથી લથપથ પૃષ્ઠભૂમિ સામે, `ધ બેંગાલ ફાઇલ્સ` ભાગલા પછી થયેલા હિન્દુઓના નરસંહાર પર પ્રકાશ પાડે છે. ફિલ્મને, મુખ્ય પ્રવાહની વાર્તાઓમાં લાંબા સમયથી દફનાવવામાં આવેલા ક્રૂર હિન્દુ નરસંહારનો ખુલાસો તરીકે બિડ કરવામાં આવી હતી. આ ફિલ્મમાં મિથુન ચક્રવર્તીની સાથે અનુપમ ખેર અને પલ્લવી જોશી છે, જેમણે ફિલ્મનું નિર્માણ પણ કર્યું હતું. આ ફિલ્મના કલાકારોમાં દર્શન કુમાર, સિમરત કૌર, શાસ્વતા ચેટર્જી, નમાશી ચક્રવર્તી, રાજેશ ખેરા, પુનીત ઇસ્સાર, પ્રિયાંશુ ચેટર્જી, દિબ્યેન્દુ ભટ્ટાચાર્ય, સૌરવ દાસ અને મોહન કપૂરનો પણ સમાવેશ થાય છે. આ ફિલ્મ વિવેક રંજન અગ્નિહોત્રી દ્વારા લખાયેલ અને દિગ્દર્શિત છે અને અભિષેક અગ્રવાલ, પલ્લવી જોશી અને વિવેક રંજન અગ્નિહોત્રી દ્વારા નિર્મિત છે.
