તાપસી હાલમાં તેનાં લગ્નને લઈને ખૂબ જ ચર્ચામાં રહી હતી. તેની છેલ્લી ફિલ્મ શાહરુખ ખાન સાથેની ‘ડંકી’ હતી.
તાપસી પન્નુ
તાપસી પન્નુનું કહેવું છે કે તેને ફક્ત ચૅલેન્જિંગ રોલ કરવા પસંદ છે. તાપસી હાલમાં તેનાં લગ્નને લઈને ખૂબ જ ચર્ચામાં રહી હતી. તેની છેલ્લી ફિલ્મ શાહરુખ ખાન સાથેની ‘ડંકી’ હતી. તે મોટા ભાગે મહિલા કેન્દ્રિત ફિલ્મોમાં વધુ કામ કરતી જોવા મળે છે. પાત્રને પસંદ કરવા વિશે તાપસી કહે છે, ‘મને પોતાને ચૅલેન્જ કરવાનું ખૂબ જ ગમે છે. મારા કમ્ફર્ટ ઝોનમાંથી બહાર આવીને કામ કરવું મને પસંદ છે. આથી સેટ પરનો દરેક દિવસ મારા માટે ઍડ્વેન્ચરથી ભરેલો હોય છે. ઍક્ટિંગની વાત છે ત્યાં સુધી મને ઘણીબધી લાઇફને સ્ક્રીન પર જીવવાનો ચાન્સ મળે છે અને એ પ્રોસેસ મને ખૂબ જ પસંદ છે. એક જ વસ્તુ મને અલગ-અલગ પાત્રની નજરથી જોવા મળે છે. એ વાતને જાણીને મને ઘણી નવાઈ લાગે છે કે ફક્ત શબ્દો અને ઇમૅજિનેશનની મદદથી આપણે સ્ક્રીન પર એક અલગ જ દુનિયા બનાવીએ છીએ.’
