ગાયિકા શ્રેયા ઘોષાલે પોતાનાં માતા-પિતા શર્મિષ્ઠા ઘોષાલ અને બિસ્વજિત ઘોષાલ સાથે મળીને સાંતાક્રુઝ-વેસ્ટ વિસ્તારમાં સરોજિની રોડ પર આવેલા વાયુ બિલ્ડિંગમાં ૨૦.૮૮ કરોડ રૂપિયામાં એક ભવ્ય ફ્લૅટ ખરીદ્યો છે.
શ્રેયા ઘોષાલે મમ્મી-પપ્પા સાથે મળીને ૨૦.૮૮ કરોડ રૂપિયામાં ખરીદ્યો ભવ્ય ફ્લૅટ
ગાયિકા શ્રેયા ઘોષાલે પોતાનાં માતા-પિતા શર્મિષ્ઠા ઘોષાલ અને બિસ્વજિત ઘોષાલ સાથે મળીને સાંતાક્રુઝ-વેસ્ટ વિસ્તારમાં સરોજિની રોડ પર આવેલા વાયુ બિલ્ડિંગમાં ૨૦.૮૮ કરોડ રૂપિયામાં એક ભવ્ય ફ્લૅટ ખરીદ્યો છે.
આ ફ્લૅટ બિલ્ડિંગના ટૉપ ફ્લોર પર આવેલો છે અને એનું ક્ષેત્રફળ ૨૬૦૧ સ્ક્વેર ફુટ છે જેમાં ૨૯૯ સ્ક્વેર ફુટની બાલ્કની પણ છે. આ રીતે કુલ જગ્યા લગભગ ૨૯૦૦ સ્ક્વેર ફુટ જેટલી થાય છે. આ સોદો ૨૪ એપ્રિલે રજિસ્ટર કરવામાં આવ્યો હતો.
છેલ્લા થોડા સમયમાં ઘોષાલ પરિવારની આ ત્રીજી મોટી ખરીદી છે. સંપત્તિ રજિસ્ટ્રેશનના દસ્તાવેજો મુજબ આ જ મહિનાની શરૂઆતમાં ઘોષાલ પરિવારે મુંબઈના વરલી વિસ્તારમાં ગોદરેજ ટ્રિલોજી નામના પ્રોજેક્ટમાં લગભગ ૬૦ કરોડ રૂપિયામાં બે આલીશાન ફ્લૅટ ખરીદ્યા હતા.
