આ પછી સલમાને તેમનાં સૂચનો માગ્યાં હતાં અને એના આધારે ફિલ્મમાં જરૂરી ફેરફાર કરવાનો નિર્ણય લીધો હતો
સ્પેશ્યલ સ્ક્રીનિંગમાં ઉપસ્થિત કલાકારો
સલમાન ખાનની આગામી ફિલ્મ ‘માતૃભૂમિ : મે વૉર રેસ્ટ ઇન પીસ’ની રિલીઝની તારીખ તો નક્કી નથી પણ તે આ ફિલ્મ સાથે કોઈ સમાધાન નથી કરવા ઇચ્છતો. હાલમાં સલમાને આ ફિલ્મનું સ્પેશ્યલ સ્ક્રીનિંગ યોજ્યું હતું. ખારમાં આવેલા સલમાનના ખાનગી પ્રિવ્યુ થિયેટરમાં યોજાયેલા આ સ્ક્રીનિંગમાં તેના નજીકના મિત્રો ઉપરાંત સુભાષ ઘઈ, કબીર ખાન, સૂરજ બડજાત્યા સહિત કેટલાક જાણીતા દિગ્દર્શકો પણ હાજર રહ્યા હતા. આ પછી સલમાને તેમનાં સૂચનો માગ્યાં હતાં અને એના આધારે ફિલ્મમાં જરૂરી ફેરફાર કરવાનો નિર્ણય લીધો હતો. આ પછી સલમાને પોતાના નજીકના મિત્રવર્તુળ અને હાજર ડિરેક્ટર્સને વિનંતી કરી હતી કે તેઓ પોતાની આગામી ફિલ્મો માટે ‘માતૃભૂમિ : મે વૉર રેસ્ટ ઇન પીસ’ની હિરોઇન ચિત્રાંગદા સિંહને ચોક્કસપણે ધ્યાનમાં રાખે.
‘માતૃભૂમિ’નું લગભગ તમામ કામ પૂર્ણ થઈ ગયું છે અને માત્ર પોસ્ટ-પ્રોડક્શનનું થોડું કામ બાકી છે. ફિલ્મને કેવી રીતે, ક્યારે અને ક્યાં રિલીઝ કરવી એ વિશે સલમાને હજુ અંતિમ નિર્ણય લીધો નથી.
