જયેશભાઈને જોરદાર બનાવવા રત્ના પાઠકની એન્ટ્રી
રત્ના પાઠક
રણવીર સિંહની ‘જયેશભાઈ જોરદાર’ને વધુ જોરદાર બનાવવા માટે એની ટીમમાં હવે રત્ના પાઠકને પસંદ કરવામાં આવી છે. ગુજરાત પર આધારિત આ ફિલ્મમાં જયેશભાઈનું ગુજરાતી પાત્ર રણવીર ભજવી રહ્યો છે. તેના પપ્પાનું પાત્ર બમન ઇરાની ભજવી રહ્યાં છે અને હવે મમ્મીના પાત્ર માટે રત્ના પાઠકને પસંદ કરવામાં આવી છે. આ ફિલ્મ માટે રણવીરે તેનું ઘણું વજન ઉતાર્યું છે અને ગુજરાતી બોલી પર પણ ખૂબ જ મહેનત કરી છે.
મહિલા સશક્તીકરણ પર આધારિત આ ફિલ્મ યશરાજ ફિલ્મ્સ હેઠળ બની રહી છે જેને મનીષ શર્મા પ્રોડ્યુસ કરી રહ્યો છે. રત્ના પાઠકને પસંદ કરવા વિશે મનીષે કહ્યું હતું કે ‘અમારી ‘જયેશભાઈ જોરદાર’માં રત્ના પાઠકને પસંદ કરવી એ અમારા માટે અમુલ્ય ઍડિશન છે. લાઇફને ટ્વિસ્ટ દ્વારા ઇન્ટરેસ્ટિંગ બનાવતી આ ફિલ્મમાં રત્ના પાઠકજીને દિવ્યાંગ ઠક્કર ડિરેક્ટ કરશે. આ ફિલ્મમાં તેઓ રણવીરની મમ્મીનું પાત્ર ભજવી રહ્યાં છે અને તેમની વચ્ચેના કેટલાક દૃશ્યો ખૂબ જ પાવરફુલ છે.’
ADVERTISEMENT
‘જયેશભાઈ જોરદાર’ની સ્ક્રિપ્ટ વિશે વાત કરતાં રત્ના પાઠકે કહ્યું હતું કે ‘થોડા મહિના પહેલાં એક યુવાન ઍક્ટર દિવ્યાંગ મારી પાસે સ્ક્રિપ્ટ લઈને આવ્યો હતો.
આ પણ વાંચો : અતરંગી રેમાં સારા અને ધનુષ સાથે જોવા મળશે અક્ષયકુમાર
ઍક્ટર ફિલ્મ બનાવી રહ્યો હોવાથી હું સ્ક્રિપ્ટ વાંચતી વખતે થોડી ચિંતિંત હતી, પરંતુ અંત સુધીમાં હું ખૂબ જ અચંબામાં પડી ગઈ હતી. ફિલ્મને વાંચતી વખતે પણ હું ખૂબ જ એન્ટરટેઇન થઈ હતી. આ ફિલ્મમાં મૅસેજ તો છે, પરંતુ સાથે જ એમ એક દિલ પણ છુપાયેલું છે. ફિલ્મની સ્ટોરી ખૂબ જ અદ્ભુત છે અને એને ખૂબ જ સ્માર્ટલી કહેવામાં આવી છે. આ ફિલ્મમાં તમામ પાત્રો ખૂબ જ ઇન્ટરેસ્ટિંગ છે અને એ તમામ માટે અદ્ભુત કાસ્ટને પસંદ કરવામાં આવી હોવાથી કિલર કોમ્બિનેશન બન્યું છે. આ ફિલ્મમાં જે વિશે વાત કરવામાં આવી છે એ ઇશ્યુ મારા દિલની ખૂબ જ નજીક છે અને મને વિશ્વાસ નથી થતો કે એને આ રીતે કહેવામાં
આવી રહ્યું છે. બમન સાથે ફરી અને રણવીર સાથે પહેલી વાર કામ કરવાથી મને એક આર્ટિસ્ટ તરીકે ખૂબ જ સંતોષ મળી રહ્યો છે, પરંતુ મારા માટે સૌથી મહત્વની વાત છે કે એક યુવાન ટીમ ખૂબ જ સારા ઉત્સાહથી આ ફિલ્મને જે રીતે બનાવવી જોઈએ એટલી જ સારી રીતે બનાવી રહી છે. દિવ્યાંગ અને તેની ગૅન્ગને આ ફિલ્મ બનાવવા માટે ઘણી શુભેચ્છા અને તેનામાં વિશ્વાસ કરવા માટે હું મનીષ અને યશરાજનો આભાર માનું છું. મને ખાતરી છે કે દર્શકોને એક સ્પેશ્યલ ફિલ્મ જોવા મળશે.’