‘પુષ્પા પુષ્પા’ ગીતની ઝલક ઇન્સ્ટાગ્રામ પર અલ્લુ અર્જુને શૅર કરી હતી.
અલ્લુ અર્જુન , ડેવિડ વૉર્નર
અલ્લુ અર્જુનની ‘પુષ્પા 2 : ધ રૂલ’નું ‘પુષ્પા પુષ્પા’ ગીત બુધવારે રિલીઝ થયું છે. તેનાં ડાન્સ-સ્ટેપ્સ જોઈને તો ઑસ્ટ્રેલિયન ક્રિકેટર ડેવિડ વૉર્નર પણ ફિદા થઈ ગયો હતો. ૨૦૨૧માં રિલીઝ થયેલી ‘પુષ્પા : ધ રાઇઝ પાર્ટ 1’ના ગીતે પણ લોકોને દીવાના બનાવ્યા હતા. સૌકોઈ તેનાં ડાન્સ-સ્ટેપ્સ પર ઝૂમી રહ્યા હતા. હવે ‘પુષ્પા પુષ્પા’ ગીત પણ લોકોને ખૂબ ગમી રહ્યું છે. આ ફિલ્મ ૧૫ ઑગસ્ટે રિલીઝ થવાની છે. ‘પુષ્પા પુષ્પા’ ગીતની ઝલક ઇન્સ્ટાગ્રામ પર અલ્લુ અર્જુને શૅર કરી હતી. એના પર કમેન્ટ કરતાં ડેવિડ વૉર્નરે લખ્યું, ‘ઓહ ડિયર ખૂબ જ સરસ છે. હવે અલ્લુ અર્જુન મારે આ શીખવું પડશે.’ તેને જવાબ આપતાં અલ્લુ અર્જુને લખ્યું હતું, ‘આ ખૂબ સરળ છે. આપણે જ્યારે મળીશું ત્યારે હું તને દેખાડીશ.’
