ગયા વર્ષે તેની ‘જોરમ’ રિલીઝ થઈ હતી. એમાં તેના પર્ફોર્મન્સની ખૂબ પ્રશંસા થઈ હતી
મનોજ બાજપાઈ
મનોજ બાજપાઈ શૂટિંગ દરમ્યાન વૉડકાનો શૉટ લે છે એ વાતનું તેણે ખંડન કર્યું છે. ગયા વર્ષે તેની ‘જોરમ’ રિલીઝ થઈ હતી. એમાં તેના પર્ફોર્મન્સની ખૂબ પ્રશંસા થઈ હતી. આ ફિલ્મના શૂટિંગ દરમ્યાન તેને જાણ થઈ કે લોકોને તેના માટે ખોટી ધારણા બંધાઈ છે. એ વિશે મનોજ બાજપાઈ કહે છે, ‘હું ‘જોરમ’નું શૂટિંગ કરી રહ્યો હતો. એ દરમ્યાન એક કો-સ્ટાર મારી નજીક આવી હતી અને તેણે મને કહ્યું કે ‘સર, તમારી સાથે કામ કરવાની ખૂબ મજા આવી. મને મારા નસીબ પર વિશ્વાસ નથી બેસતો.’ મેં તેનો આભાર વ્યક્ત કર્યો હતો. ત્યાર બાદ તેણે મને પૂછ્યું કે ‘સર, તમારા વિશે કહેવામાં આવે છે કે તમે દરેક ટેક પહેલાં એક શૉટ લો છો.’ મેં તેને પૂછ્યું કે શાનો શૉટ? તો તેણે જણાવ્યું કે મને દર થોડા કલાકે નાની બૉટલમાંથી દારૂ પીવાની ટેવ છે. આ સાંભળતાં જ મેં તેને કહ્યું કે તું પાગલ છે. એ તો મારી હોમિયોપથીની દવા છે. લોકો વિચારે છે કે હું વૉડકાનો શૉટ લઈને સેટ પર જાઉં છું. લોકો મારી દારૂડિયામાં ગણતરી કરે છે. જોકે જણાવી દઉં કે આ હોમિયોપૅથિક દવા છે અને હું કદી પણ દારૂ નથી પીતો.’